വൈദ്യുതി വകുപ്പിൻ്റെ പ്രവർത്തനം: സിപിഎമ്മിന്​ അതൃപ്തി

തി​രു​വ​ന​ന്ത​പു​രം: ഇ​ട​ത്​ ജീ​വ​ന​ക്കാ​രു​ടെ സം​യു​ക്ത സ​മ​ര​ത്തെ കൈ​കാ​ര്യം ചെ​യ്ത​ രീ​തി​യി​ലും മു​ൻ മ​ന്ത്രി എം എം മ​ണി​യെ സം​ശ​യ​നി​ഴ​ലി​ലാ​ക്കു​ന്ന വൈ​ദ്യു​തി ബോ​ർ​ഡ്​ ചെ​യ​ർ​മാ​ന്‍റെ വി​വാ​ദ ആ​രോ​പ​ണ​ത്തി​ലും സിപിഎം നേ​തൃ​ത്വ​ത്തി​ന്​ ക​ടു​ത്ത അ​തൃ​പ്​​തി. സ​ർ​ക്കാ​റി​ലെ വി​ഴു​പ്പ​ല​ക്ക​ലും ഉ​ദ്യോ​ഗ​സ്ഥ​ൻ രാ​ഷ്ട്രീ​യ നേ​തൃ​ത്വ​ത്തെ സം​ശ​യ​നി​ഴ​ലി​ൽ നി​ർ​ത്തു​ന്ന​തും എ​ൽഡി​എ​ഫി​ൽ കേ​ട്ടു​കേ​ൾ​വി​യി​ല്ലാ​ത്ത സം​ഭ​വ​മാ​ണ്. ഘ​ട​ക​ക​ക്ഷി​യു​ടെ വ​കു​പ്പി​ൽ ഇ​ട​പെ​ടി​ല്ലെ​ന്ന പ​ര​സ്യ നി​ല​പാ​ടി​ന​പ്പു​റം ശ​ക്ത​മാ​യ സ​മ​ര​ത്തി​ലൂ​ടെ വ്യ​ക്ത​മാ​യ സൂ​ച​ന​യാ​ണ്​ സിപി​എം ന​ൽ​കു​ന്ന​ത്. മ​ണി​യെ​പോ​ലെ മു​തി​ർ​ന്ന നേ​താ​വി​ന്​ എ​തി​രാ​യ ആ​ക്ഷേ​പ​ത്തെ സി​പി​എം ഗൗ​ര​വ​മാ​യാ​ണ്​ കാ​ണു​ന്ന​ത്.

മുൻ എൽഡിഎഫ് സർക്കാരുകളുമായി താരതമ്യപ്പെടുത്തുമ്പോൾ ഇത്തവണ വൈദ്യുതി വകുപ്പിൻ്റെ  പ്രകടനം പോരാ എന്ന വികാരം നേതൃത്വത്തിൽ ചിലർക്കുണ്ട്. ഘടകകക്ഷി മന്ത്രിക്കെതിരെ സിഐടിയു സംസ്ഥാന സെക്രട്ടറി നടത്തിയ വിമർശനം യാദൃശ്ചികമല്ലെന്നാണ് സൂചന. കെഎസ്ഇബി ചെയർമാൻ്റെ  നടപടികൾക്കെതിരെയായിരുന്നു സമരമെങ്കിലും കടുത്ത വിമർശനമായിരുന്നു ഘടകകക്ഷി മന്ത്രിക്കെതിരെ ഉണ്ടായത്. ഈ വിമർശനം യാദൃശ്ചികമായി കാണാനാവില്ല. 

1996 ൽ പിണറായി വിജയൻ വൈദ്യുതി മന്ത്രിയായ കാലം തൊട്ടിങ്ങോട്ട് എൽഡിഎഫ് ഭരണകാലത്ത് വൈദ്യുതി വകുപ്പ് മികച്ച രീതിയിൽ പ്രവർത്തിച്ചിട്ടുണ്ടെന്നാണ് സിപിഎം വിലയിരുത്തൽ.  പവർ കട്ടില്ലാത്ത സംസ്ഥാനം എന്നത് കഴിഞ്ഞ നിയമസഭാ തിരഞ്ഞെടുപ്പ് കാലത്ത് സർക്കാരിൻ്റെ നേട്ടമായി പ്രചരിപ്പിക്കുകയും ചെയ്തു. എന്നാൽ ഇത്തവണ വകുപ്പ് ജെഡിഎസിന് കൈമാറിയ ശേഷം സ്ഥിതി മാറിയെന്ന അഭിപ്രായമാണ് സിപിഎമ്മിൽ ഉയരുന്നത്. 

ഭാവിയിലേക്കുള്ള വർധിച്ചു വരുന്ന ഊർജാവശ്യം നേരിടുന്നതിന് ഫലപ്രദമായ പദ്ധതികൾ ആവിഷ്കരിക്കുന്നില്ലെന്നും വിലയിരുത്തലുണ്ട്. സ്ഥലംമാറ്റം, പർച്ചേസിങ് എന്നിവയുമായി ബന്ധപ്പെട്ട് ചില ആക്ഷേപങ്ങൾ പാർട്ടിയുടെ ശ്രദ്ധയിൽ പെട്ടിട്ടുണ്ട്. സർക്കാരിൻ്റെ പ്രവർത്തനങ്ങൾ കൂടി വിലയിരുത്തപ്പെടുന്ന സി.പി.എം സമ്മേളന കാലയളവിൽ വൈദ്യുതി വകുപ്പുമായി ബന്ധപ്പെട്ടുയരുന്ന വിവാദങ്ങൾക്ക് അതിനാൽ പ്രാധാന്യമേറെയുണ്ട്. 

ആശയ വിനിമയത്തിലെ പ്രശ്നമാണ് ഇപ്പോഴത്തേതെന്നും ഉടൻ പരിഹരിക്കാൻ സാധിക്കുമെന്നാണ് പ്രതീക്ഷിക്കുന്നതെന്നുമാണ് ഒരു സിപിഎം നേതാവ് പറഞ്ഞത്. വകുപ്പുമായി ബന്ധപ്പെട്ട കൂടുതൽ വിലയിരുത്തലുകളിലേക്ക് പാർട്ടി ഇതുവരെ കടന്നിട്ടില്ല എന്നും അദ്ദേഹം പറഞ്ഞു. ഇതിനിടെ കെഎസ്ഇബി ഭൂമി വിനിയോഗവുമായി ബന്ധപ്പെട്ട് ബോർഡ് ചെയർമാൻ നടത്തിയ വെളിപ്പെടുത്തലുകൾ സിപിഎമ്മിനെ വെട്ടിലാക്കുകയും ചെയ്തു.