അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അരവിന്ദ് സ്വാമിയും കുഞ്ചാക്കോ ബോബനും ഒന്നിക്കുന്ന തമിഴ്–മലയാളം ചിത്രം ‘ഒറ്റി’ലെ ആദ്യഗാനം പുറത്തുവിട്ട് അണിയറ പ്രവർത്തകർ. റൊമാന്റിക് മെലഡി സോംഗ് ആണ് പ്രണയ ദിനത്തിൽ റിലീസ് ചെയ്തിരിക്കുന്നത്. ‘ഒരേ നോക്കില്‍ അറിയും മിഴിയേ’ എന്ന ഗാനം ആലപിച്ചിരിക്കുന്നത് ശ്വേത മോഹനാണ്. വിനായക് ശശികുമാറിൻ്റെ വരികള്‍ക്ക് സംഗീതം പകര്‍ന്നിരുക്കുന്നത് എഎച്ച് കാഷിഫ് ആണ്.
‘തീവണ്ടി’ എന്ന ചിത്രത്തിന് ശേഷം ഫെല്ലിനി സംവിധാനം ചെയ്യുന്ന ചിത്രമാണ് ‘ഒറ്റ്’. തമിഴിൽ ‘രെണ്ടഗം’ എന്ന പേരിലാണ് ചിത്രം ഒരുങ്ങുന്നത്. ആമിന റഫീഖാണ് തമിഴിലെ ഗാനം ആലപിച്ചിരിക്കുന്നത്. ചിത്രത്തിലെ ചാക്കോച്ചൻ്റെ വേറിട്ട ഗെറ്റപ്പ് ശ്രദ്ധയാകർഷിച്ചിരുന്നു. 25 വർഷങ്ങൾക്ക് ശേഷം അരവിന്ദ് സാമി മലയാളത്തിലെത്തുന്ന ചിത്രത്തിൽ ജാക്കി ഷെറോഫും ഒരു പ്രധാനകഥാപാത്രത്തെ അവതരിപ്പിക്കുന്നുണ്ട്.
ചാക്കോച്ചൻ സിനിമയിലെത്തി 25 വർഷങ്ങൾക്ക് ശേഷമാണ് ആദ്യ തമിഴ് സിനിമ പുറത്തിറങ്ങുന്നത്. ചിത്രത്തിൽ തെലുങ്ക് താരം ഈഷ റബ്ബയാണ് നായിക. അടുകളം നരേൻ, അമാൽഡ ലിസ്, ജിൻസ് ഭാസ്‌കർ, സിയാദ് യദു, അനീഷ് ഗോപാൽ, ലബാൻ റാണെ, ശ്രീകുമാർ മേനോൻ തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. ദി ഷോ പീപ്പിളിൻ്റെ ബാനറിൽ തമിഴ് താരം ആര്യയും ഓഗസ്റ്റ് സിനിമാസിൻ്റെ ബാനറിൽ ഷാജി നടേശനും ചേർന്നാണ് ചിത്രം നിർമ്മിക്കുന്നത്.
തമിഴിലെയും മലയാളത്തിലെയും പ്രമുഖ താരങ്ങൾ ചിത്രത്തിൻ്റെ ഭാഗമാവുന്നുണ്ട്. ത്രില്ലർ പശ്ചാത്തലത്തിൽ ഒരുങ്ങുന്ന ചിത്രത്തിൻ്റെ തിരക്കഥ എസ് സഞ്ജീവാണ്. സംഗീതവും ബിജിഎമ്മും നിർവഹിച്ചിരിക്കുന്നത് എ എച്ച് കാശിഫാണ്. വിനായക് ശശികുമാറിൻ്റെതാണ് വരികൾ. ഛായാഗ്രാഹണം- ഗൗതം ശങ്കർ. എഡിറ്റിങ്ങ്- അപ്പു ഭട്ടതിരി. ആക്ഷൻ: സ്റ്റണ്ട് സിൽവ. വസ്ത്രാലങ്കാരം സ്റ്റെഫി സേവ്യർ. മെയ്ക്കപ്പ്- റോണക്‌സ് സേവ്യർ. സൗണ്ട് ഡിസൈണർ രംഗനാഥ് രവി.
കലാസംവിധാനം: സുഭാഷ് കരുണ്, ചീഫ് അസോസിയേറ്റ് ഡയറക്ടർ: സ്യമന്തക് പ്രദീപ്, കൊറിയോഗ്രാഫർ: സജ്‌ന നജാം, പ്രൊഡക്ഷൻ കൺട്രോളർ: സുനിത് ശങ്കർ, കാസ്റ്റിംഗ് ഡയറക്ടർ: ഷനീം സാവേദ്, റീ-റെക്കോർഡിംഗ് മിക്‌സർ: കണ്ണൻ ഗണപത്, ഡിസൈനുകൾ: യെല്ലോടൂത്ത്‌സ്, കളറിംഗ്: ആക്ഷൻ ഫ്രെയിംസ് മീഡിയ. കളറിസ്റ്റ്: സുജിത്ത് സദാശിവൻ, അഡീഷണൽ ഛായാഗ്രഹണം: വിജയ്. പ്രൊഡക്ഷൻ കൺട്രോളർ സുനിത് ശങ്കർ. ലൈൻ പ്രൊഡ്യൂസർ മിഥുൻ എബ്രഹാം. പിആർഒ- ആതിര ദിൽജിത്ത്.
