അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
തിരുവനന്തപുരം: ഇ സഞ്ജീവനിയില് പോസ്റ്റ് കോവിഡ് ഒ.പി. സേവനം ആരംഭിച്ചതായി ആരോഗ്യ വകുപ്പ് മന്ത്രി വീണാ ജോര്ജ്. രാവിലെ 8 മണി മുതല് രാത്രി 8 മണി വരെയാണ് പോസ്റ്റ് കോവിഡ് ഒ.പി.യുടെ പ്രവര്ത്തനം. പോസ്റ്റ് കോവിഡ് പ്രശ്നങ്ങള് ഉള്ളവര് ഈ ഒ.പി. സേവനങ്ങള് പ്രയോജനപ്പെടുത്തേണ്ടതാണെന്ന് മന്ത്രി അഭ്യർത്ഥിക്കുകയും ചെയ്തു.
പോസ്റ്റ് കോവിഡ് ആരോഗ്യ പ്രശ്നങ്ങളായ വിട്ടുമാറാത്ത ചുമ, ശ്വാസതടസം, കിതപ്പ്, നെഞ്ചുവേദന, നെഞ്ചില് ഭാരം കയറ്റി വച്ചത് പോലുള്ള തോന്നല്, തലവേദന, തലകറക്കം, ഓര്മ്മക്കുറവ്, ഏകാഗ്രത നഷ്ടപ്പെടല്, ഉറക്കകുറവ്, ആശയക്കുഴപ്പം, പേശീ വേദന, സന്ധി വേദന, അകാരണമായ ക്ഷീണം, കാല്പാദങ്ങളില് ഉണ്ടാകുന്ന നീര്വീക്കം, മാനസിക പ്രശ്നങ്ങള് എന്നിവ ഉള്ളവര് കൃത്യമായും ഇ സഞ്ജീവനി പോസ്റ്റ് കോവിഡ് ഒ.പി. സേവനങ്ങള് പ്രയോജനപ്പെടുത്തേണ്ടതാണെന്നും ആരോഗ്യമന്ത്രി വ്യക്തമാക്കി.
