അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഇന്‍റിമേറ്റ് രംഗങ്ങള്‍ കൊണ്ട് റിലീസിനു മുന്നേ പ്രേക്ഷക ശ്രദ്ധ നേടിയ സിനിമയാണ് ഗെഹ്‍രായിയാം . ദീപിക പദുകോണ്‍, സിദ്ധാന്ത് ചതുര്‍വേദി എന്നിവരെ പ്രധാന വേഷങ്ങളിൽ എത്തിച്ച് ഷകുന്‍ ബത്രയാണ് ചിത്രം സംവിധാനം ചെയ്‍തിരിക്കുന്നത്. ഈ മാസം 11ന് ഡയറക്റ്റ് ഒടിടി റിലീസ്ആയി ആമസോണ്‍ പ്രൈം വീഡിയോയിലൂടെയാണ് ചിത്രം റിലീസ് ചെയ്യുന്നത് . ചിത്രത്തിലെ നേരത്തെ പുറത്തെത്തിയ ഗാനങ്ങള്‍ ഹിറ്റ് ചാര്‍ട്ടുകളില്‍ ഇടംപിടിച്ചിരുന്നു. ഇപ്പോൾ ഇതാ റിലീസിന് രണ്ട് ദിനങ്ങള്‍ മാത്രം ശേഷിക്കെ ഒരു പുതിയ വീഡിയോ ഗാനവും പുറത്തുവിട്ടിരിക്കുകയാണ് .
‘തേരീ ബാഹോം മേം’ എന്ന് തുടങ്ങുന്ന ഗാനത്തിന് വരികള്‍ എഴുതിയിരിക്കുന്നത് കൗസര്‍ മുനീര്‍ ആണ്. കബീര്‍ കത്‍പലിയയും സവേരയും ചേര്‍ന്നാണ് സംഗീതം പകര്‍ന്നിരിക്കുന്നത്. സവേരയും ശല്‍മാലി ഖോല്‍ഗഡെയും ചേര്‍ന്ന് പാടിയിരിക്കുന്നു. ഷകുന്‍ ബത്രയ്ക്കൊപ്പം സുമിത് റോയ്, അയേഷ ദേവിത്രെ, യഷ് സഹായ് എന്നിവര്‍ ചേര്‍ന്നാണ് ചിത്രത്തിന്‍റെ രചന നിര്‍വ്വഹിച്ചിരിക്കുന്നത്.
