ധ​വാ​നും ശ്രേ​യ​സ് അ​യ്യ​രും കോ​വി​ഡ് മു​ക്ത​രാ​യി; പരിശീലനത്തിന് അനുമതി

അഹമ്മദാബാദ്: കോവിഡ് ബാധിച്ച ഇന്ത്യന്‍ താരങ്ങളായ ശിഖര്‍ ധവാനും ശ്രേയസ് അയ്യരും രോഗ മു​ക്ത​രാ​യി. രോഗം ഭേദമായതോടെ ഇരുവര്‍ക്കും പരിശീലനത്തിനുള്ള അനുമതി ലഭിച്ചു. എങ്കിലും ബുധനാഴ്ച നടക്കുന്ന വെസ്റ്റിന്‍ഡീസിനെതിരായ രണ്ടാം ഏകദിനത്തില്‍ ഇരുവര്‍ക്കും കളിക്കാനാകില്ല.

കോവിഡ് പരിശോധനയില്‍ നെഗറ്റീവായതോടെ ഇരുവരും അഹമ്മദാബാദിലെ നരേന്ദ്ര മോദി സ്‌റ്റേഡിയത്തില്‍ ലഘുവായ പരിശീലനങ്ങളില്‍ ഏര്‍പ്പെട്ടു. ബിസിസിഐ മെഡിക്കല്‍ സംഘത്തിന്റെ മേല്‍നോട്ടത്തിലായിരുന്നു പരിശീലനം. 

ഇ​തോ​ടെ കോ​വി​ഡ് സ്ഥി​രീ​ക​രി​ച്ച നാ​ല് ക​ളി​ക്കാ​രി​ൽ മൂ​ന്ന് പേ​ർ രോ​ഗ​മു​ക്തി നേ​ടി. നേ​ര​ത്തെ രോ​ഗം സ്ഥി​രീ​ക​രി​ച്ചി​രു​ന്ന ന​വ്ദീ​പ് സെ​യി​നി നെ​ഗ​റ്റീ​വാ​യ​തി​നെ തു​ട​ർ​ന്ന് ടീ​മി​നൊ​പ്പം ചേ​ർ​ന്നി​രു​ന്നു. യു​വ​താ​രം ഋ​തു​രാ​ജ് ഗെ​യ്ക് വാ​ദാ​ണ് ഇ​നി രോ​ഗ​മു​ക്തി നേ​ടാ​നു​ള്ള​ത്.

ആ​ദ്യ ഏ​ക​ദി​ന​ത്തി​ൽ ക​ളി​ക്കാ​തി​രു​ന്ന മാ​യ​ങ്ക് അ​ഗ​ർ​വാ​ൾ, വൈ​സ് ക്യാ​പ്റ്റ​ൻ കെ.​എ​ൽ.​രാ​ഹു​ൽ എ​ന്നി​വ​രും ക​ഴി​ഞ്ഞ ദി​വ​സം ടീ​മി​നൊ​പ്പം ചേ​ർ​ന്ന് പ​രി​ശീ​ല​നം ന​ട​ത്തി​യി​രു​ന്നു. ബു​ധ​നാ​ഴ്ച ന​ട​ക്കു​ന്ന ര​ണ്ടാം ഏ​ക​ദി​ന​ത്തി​ൽ ക്യാ​പ്റ്റ​ൻ രോ​ഹി​ത് ശ​ർ​മ​യ്ക്കൊ​പ്പം മാ​യ​ങ്ക് അ​ഗ​ർ​വാ​ൾ ഇ​ന്നിം​ഗ്സ് ഓ​പ്പ​ണ്‍ ചെ​യ്തേ​ക്കും. ആ​ദ്യ ഏ​ക​ദി​ന​ത്തി​ൽ ഇ​ഷാ​ൻ കി​ഷ​നാ​ണ് രോ​ഹി​ത്തി​നൊ​പ്പം ഇ​ന്നിം​ഗ്സ് തു​റ​ന്ന​ത്.

മൂ​ന്ന് മ​ത്സ​ര ഏ​ക​ദി​ന പ​ര​മ്പ​ര​യി​ലെ ആ​ദ്യ മ​ത്സ​രം ജ​യി​ച്ച് ഇ​ന്ത്യ മു​ന്നി​ലാ​ണ്. ഏ​ക​ദി​ന പ​ര​മ്പ​ര​യ്ക്ക് ശേ​ഷം മൂ​ന്ന് ട്വ​ന്‍റി-20 മ​ത്സ​ര​ങ്ങ​ളി​ലും ഇ​രു​ടീ​മും ഏ​റ്റു​മു​ട്ടും.