ഗ്രോബാഗ്, കുറ്റിക്കുരുമുളക് വിതരണം ചെയ്തു

മാന്നാർ : ഗ്രാമപഞ്ചായത്തിന്റെ നേതൃത്വത്തി​ൽ മാന്നാർ കൃഷിഭവനിൽ നിന്നും തി​രഞ്ഞെടുക്കപ്പെട്ട 15 പേർക്ക് 20 വീതം ഗ്രോബാഗുകളും അതിനു വേണ്ട പച്ചക്കറിത്തൈകളും 1800 പേർക്ക് കുറ്റികുരുമുളകും വിതരണം ചെയ്യുന്നതി​ന്റെ ഉദ്ഘാടനം മാന്നാർ ഗ്രാമപഞ്ചായത്ത് പ്രസിഡന്റ് ടി.വി രത്നകുമാരി നിർവഹിച്ചു.

പഞ്ചായത്ത് സ്ഥിരം സമിതി അദ്ധ്യക്ഷരായ ശാലിനി രഘുനാഥ്, സലീം പടിപ്പുരയ്ക്കൽ ഗ്രാമപഞ്ചായത്തംഗങ്ങളായ സുജാത മനോഹരൻ, വി.ആർ ശിവപ്രസാദ്, ശാന്തിനി ബാലകൃഷ്ണൻ, കൃഷി ഓഫീസർ പി.സി ഹരികുമാർ തുടങ്ങിയവർ സംസാരിക്കുകയും ചെയ്തു.