അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
റിയാദ്: സൗദിയിൽ 24 മണിക്കൂറിനിടെ 3,747 പേർക്ക് കൂടി കൊവിഡ് വൈറസ് സ്ഥിരീകരിച്ചു. നിലവിലെ രോഗികളിൽ 4,083 പേർ സുഖം പ്രാപിച്ചിട്ടുണ്ട്. രോഗബാധിതരിൽ മൂന്ന് പേർ മരിച്ചതായും ആരോഗ്യ മന്ത്രാലയം അറിയിച്ചു. രാജ്യത്ത് ഇതുവരെ റിപ്പോർട്ട് ചെയ്ത ആകെ കേസുകളുടെ എണ്ണം 7,12,644 ആയി. ആകെ രോഗമുക്തരുടെ എണ്ണം 6,70,780 ആയി ഉയർന്നു. ആകെ മരണസംഖ്യ 8,957 ആയി ഉയർന്നത് ആശങ്ക സൃഷ്ട്ടിക്കുന്നുണ്ട്.
രാജ്യത്താകെ ചികിത്സയിൽ ഉള്ളവർ 32,907 പേരാണ്. ഇതിൽ 1,090 പേരാണ് ഗുരുതരനിലയിൽ. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്. രാജ്യത്തെ കൊവിഡ് മുക്തി നിരക്ക് 94.12 ശതമാനവും മരണനിരക്ക് 1.25 ശതമാനവുമായി. 24 മണിക്കൂറിനിടെ 135,875 ആർ.ടി പി.സി.ആർ പരിശോധനകൾ നടത്തിയിട്ടുണ്ട്.
