അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലപ്പുറം: മേൽമുറി പ്രിയദർശിനി കോളേജിലെ റാഗിംഗിന്റെ പേരിൽ വിദ്യാർത്ഥികൾ തമ്മിലുണ്ടായ സംഘർഷത്തിനിടെ കത്തി വീശിയ യുവാവിനെ മലപ്പുറം പൊലീസ് അറസ്റ്റ് ചെയ്തു. മേൽമുറി പൊടിയാട് നടുത്തൊടി വീട്ടിൽ ജുനൈദുള്ളയെയാണ് (29) മലപ്പുറം എസ്.എച്ച്.ഒ ജോബി തോമസിന്റെ നിർദ്ദേശപ്രകാരം സബ് ഇൻസ്‌പെക്ടർ സൈനുൽ ആബിദ് അറസ്റ്റ് ചെയ്തത്.
വിദ്യാർത്ഥികൾ പരാതി നൽകാത്തതിനാൽ പൊലീസ് സ്വമേധയാ കേസെടുക്കുകയായിരുന്നു. ഒന്നാം വർഷ വിദ്യാ‌ർത്ഥിയെ റാഗിംഗ് ചെയ്തതുമായി ബന്ധപ്പെട്ട് ബുധനാഴ്ച്ച വൈകീട്ടാണ് മേൽമുറി അങ്ങാടിയിൽ ഒന്നാംവർഷ വിദ്യാർത്ഥികളും മൂന്നാം വർഷ വിദ്യാർത്ഥികളും തമ്മിൽ ഉന്തും തള്ളും ഉണ്ടാവുകയായിരിന്നു.
