അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കൊല്ലം: യുവാവിനെ ഇരുമ്പ് പ്ലേറ്റുകൊണ്ട് ആക്രമിച്ച ശേഷം മുങ്ങിനടന്ന യുവാവിനെ കരുനാഗപ്പള്ളി പൊലീസ് അറസ്റ്റ് ചെയ്തു. ശൂരനാട് വടക്ക് ആനയടി മുറിയിൽ വിഷ്ണുവാണ് (22) പൊലീസ് പിടിയിലായത്. പാവുമ്പ സുരഭി മന്ദിരത്തിൽ പ്രേംകുമാറിനെ (27) കഴിഞ്ഞ ഡിസംബർ 23ന് രാത്രി 10.30 ഓടെ ആക്രമിച്ച കേസിലാണ് അറസ്റ്റ് ചെയ്തത്.
വിഷ്ണുവിന്റെ വീട്ടിൽ വിദേശ മദ്യം വിൽക്കുന്നുവെന്ന വിവരം പ്രേംകുമാർ പൊലീസിൽ അറിയിച്ചിരുന്നു. ഈ വിരോധത്തിൽ വിഷ്ണു സുഹൃത്തുക്കളുമായി ബൈക്കിൽ പ്രേംകുമാറിന്റെ വീട്ടിലെത്തി ഇരുമ്പു പ്ലേറ്റുകൊണ്ട് തലയ്ക്ക് അടിക്കുകയായിരുന്നു. തടയാൻ ശ്രമിച്ചപ്പോൾ ഇടത് കൈയ്ക്ക് പൊട്ടലും ചതവും സംഭവിച്ചിട്ടുണ്ട്.
