അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
പൃഥ്വിരാജ് സംവിധാനം ചെയ്‍ത ഏറ്റവും പുതിയ ‘ബ്രോ ഡാഡി’ അടുത്തിടെയാണ് റിലീസ് ചെയ്‍തത്. മോഹൻലാല്‍ പ്രധാന വേഷത്തിൽ എത്തിയ ചിത്രത്തിന് മികച്ച പ്രതികരണമാണ് ലഭിച്ചത്. താരങ്ങള്‍ അടക്കമുള്ളവര്‍ ചിത്രത്തെ പ്രശംസിച്ച് രംഗത്ത് വന്നു. ‘ബ്രോ ഡാഡി’ ചിത്രത്തിലെ കഥാപാത്രത്തിന്റെ പേര് ക്യാപ്ഷനായി ചേര്‍ത്ത് പൃഥ്വിരാജിനൊപ്പമുള്ള ഫോട്ടോ പങ്കുവെച്ചിരിക്കുകയാണ് സുപ്രിയ മേനോൻ.
മോഹൻലാലും പൃഥ്വിരാജും ചിത്രത്തില്‍ അച്ഛനും മകനുമായിട്ടായിരുന്നു അഭിനയിച്ചിരിക്കുന്നത്. ‘ജോണ്‍ കാറ്റാടി’യായി ചിത്രത്തില്‍ മോഹൻലാല്‍ എത്തിയപ്പോള്‍ പൃഥ്വിരാജിന്റെ കഥാപാത്രം ‘ഈശോ ജോണ്‍ കാറ്റാടി’യായിരുന്നു. ‘ബ്രോ ഡാഡി’ എന്ന ചിത്രത്തിന്റെ സംവിധായകനെന്ന നിലയിലും പൃഥ്വിരാജ് മികവ് കാട്ടി. ‘ഈശോ ജോണ്‍ കാറ്റാടി’ക്ക് ഒപ്പം എന്ന് പറഞ്ഞാണ് സുപ്രിയ മേനോൻ ഇപ്പോള്‍ ഫോട്ടോ ഇപ്പോൾ പങ്കുവെച്ചിരിക്കുന്നത്.
