അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കറാച്ചി: ക്രിക്കറ്റിലെ പുതിയ നിയമങ്ങളുടെ സഹചര്യത്തിൽ ഇന്നായിരുന്നു ഇന്ത്യന്‍ ബാറ്റിംഗ് ഇതിഹാസം സച്ചിന്‍ ടെന്‍ഡുല്‍ക്കര്‍ കളിച്ചിരുന്നത് എങ്കില്‍ ഒരു ലക്ഷം റണ്‍സെങ്കിലും അടിക്കുമായിരുന്നുവെന്ന് മുന്‍ പാക് പേസര്‍ ഷൊയൈബ് അക്തര്‍. ക്രിക്കറ്റിലെ പുതിയ നിയമ പരിഷ്കാരങ്ങള്‍ ബാറ്റര്‍മാര്‍ക്ക് അനുകൂലമാണെന്നും അക്തര്‍ തന്‍റെ യുട്യൂബ് ചാനലില്‍ മുന്‍ ഇന്ത്യന്‍ പരിശീലകന്‍ രവി ശാസ്ത്രിയോട് വ്യക്തമാക്കി.
ഇന്നത്തെക്കാലത്ത് ഏകദിനങ്ങളില്‍ രണ്ട് ന്യൂ ബോള്‍ എടുക്കാനാവും. മൂന്ന് റിവ്യു എടുക്കാനാവും. സച്ചിന്‍ കളിച്ചിരുന്ന കാലത്ത് മൂന്ന് റിവ്യു എടുക്കാമായിരുന്നെങ്കിലൊന്ന് ആലോചിച്ചു നോക്കു. അദ്ദേഹം ഒരു ലക്ഷം റണ്‍സെങ്കിലും അടിച്ചേനെ. പാവം സച്ചിന്‍, തുടക്കകാലത്ത് അദ്ദേഹത്തിന് കളിക്കേണ്ടിവന്നത്, വാസിം അക്രമിനും വഖാര്‍ യൂനിസിനും ഷെയ്ന്‍ വോണിനുമൊക്കെ എതിരെയായിരുന്നു.
പിന്നീടാകട്ടെ ബ്രെറ്റ് ലീയും ഞാനുമെല്ലാം ഉള്‍പ്പെട്ട അടുത്ത തലമുറ പേസ് ബൗളര്‍മാര്‍ക്കെതിരെയും. അതുകൊണ്ടാണ് ഞാന്‍ അദ്ദേഹത്തെ ഏറ്റവും ബുദ്ധിമുട്ടേറിയ ബാറ്ററെന്ന് വിളിക്കുന്നത്. ഇന്നത്തെക്കാലത്ത് എല്ലാം ബാറ്റര്‍ക്ക് അനുകൂലമാണ്. ബാറ്ററെന്ന നിലിയല്‍ പാറിപറക്കുന്ന മുടിയുമായി അതിവേഗം ഓടിയെത്തി ബൗണ്‍സര്‍ എറിയുന്ന ഒരു പേസ് ബൗളറെ നിങ്ങള്‍ ഇഷ്ടപ്പെടില്ലല്ലോ.എന്നാല്‍ ബാറ്റര്‍ക്കും ബൗളര്‍ക്കും തുല്യ പങ്കാളിത്തമുള്ളതാവണം മത്സരമെന്ന് രവി ശാസ്ത്രി അഭിപ്രായപ്പെടുകയും ചെയ്തു.
