അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുവൈത്ത് സിറ്റി: സബാഹിയ വെസ്റ്റ് ആരോഗ്യ കേന്ദ്രം ആരോഗ്യ മന്ത്രി ഡോ. ഖാലിദ് അല്‍ സയീദ് ഉദ്ഘാടനം ചെയ്തു.ആരോഗ്യ സംവിധാനങ്ങളുടെ മികവ് കൊണ്ടും ആരോഗ്യ പ്രവര്‍ത്തകരുടെ കഠിനാധ്വാനം കൊണ്ടും ഈ പ്രതിസന്ധിയെ മറികടക്കാന്‍ കഴിയുമെന്ന് അദ്ദേഹം പറഞ്ഞു. മുമ്പെങ്ങുമില്ലാത്ത കോവിഡ് വ്യാപനത്തിലൂടെയാണ് രാജ്യം കടന്നുപോകുന്നത്. പ്രതിരോധ കുത്തിവെപ്പ് എടുക്കാന്‍ എല്ലാവരും മുന്നോട്ടുവരണമെന്ന് മന്ത്രി അഭ്യര്‍ഥിച്ചു.
അഹ്മദി ഹെല്‍ത്ത് ഡിസ്ട്രിക്ടില്‍ 31 ആരോഗ്യ കേന്ദ്രങ്ങളുണ്ടെന്ന് മേധാവി ഡോ. അഹ്മദ് അല്‍ ശത്തി വ്യക്തമാക്കി. സബാഹിയ വെസ്റ്റ് ഹെല്‍ത്ത് സെന്‍ററിനെ അദാന്‍ ആശുപത്രിയുമായി ബന്ധിപ്പിച്ച്‌ ഇലക്ട്രോണിക് ഫോളോഅപ് സംവിധാനം ഏര്‍പ്പെടുത്തിയിട്ടുണ്ട്. അഹ്മദി ഹെല്‍ത്ത് ഡിസ്ട്രിക്ടില്‍ ആറ് ആരോഗ്യ കേന്ദ്രങ്ങള്‍കൂടി വൈകാതെ തുറന്നുപ്രവര്‍ത്തിക്കുമെന്ന് അദ്ദേഹം കൂട്ടിച്ചേര്‍ത്തു.
