അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
വണ്ടൂർ: വണ്ടൂർ പൊലീസ് സ്റ്റേഷൻ പരിധിയിലെ അങ്ങാടികളിൽ സ്ഥാപിച്ച ഫ്ളക്സ് ബോർഡുകളും കൊടിതോരണങ്ങളും നീക്കം ചെയ്തു. പൊതുയിടങ്ങളിൽ സ്ഥാപിച്ച രാഷ്ട്രീയ പാർട്ടികളുടെയും അല്ലാത്തതുമായ ഫ്ളക്സ് ബോർഡുകളും കൊടി തോരണങ്ങളും നീക്കം ചെയ്യണമെന്ന ഹൈക്കോടതി ഉത്തരവിനെ തുടർന്ന് ജില്ലയിൽ ഉടനീളം പൊലീസിന്റെ നേതൃത്വത്തിൽ നടപടി ആരംഭിച്ചു.
വണ്ടൂർ അങ്ങാടിയിൽ പ്രധാനമായും നാലുവരിപ്പാതയുടെ അരികിലും ഡിവൈഡറിലുമാണ് ഫ്ളക്സ് ബോർഡുകൾ സ്ഥാപിച്ചിരുന്നത്. ഇത് പൂർണ്ണമായും നീക്കം ചെയ്തു. നീക്കം ചെയ്തതിൽ അധികവും വിവിധ പരിപാടികളോടനുബന്ധിച്ച് സ്ഥാപിച്ചവയാണ്. മിക്കതും സ്ഥാപിച്ച് മാസങ്ങൾ കഴിഞ്ഞിരുന്നു. നീക്കം ചെയ്യുന്നതുമായി രാഷ്ട്രീയ പാർട്ടികൾക്ക് നേരത്തെ വിവരം നൽകിയിരുന്നു.
