അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
പാള്‍: ദക്ഷിണാഫ്രിക്കയില്‍ ടീം ഇന്ത്യയുടെ തോല്‍വിക്ക് കാരണം അമിത ആത്മവിശ്വാസമെന്ന് പ്രോട്ടീസ് മുന്‍ സ്പിന്നർ ഇമ്രാന്‍ താഹിർ . നിലവിലെ ദക്ഷിണാഫ്രിക്കന്‍ ടീമിനെ വിലകുറച്ച് കണ്ടതാണ് ഇന്ത്യക്ക് തിരിച്ചടിയായത് എന്ന് താഹിർ രൂക്ഷമായി വിമർശിച്ചു.
‘ഞാന്‍ ഒരു ടീമിനെ കുറിച്ചും വിധി കല്‍പിക്കുന്നില്ല. എന്നാല്‍ ഇന്ത്യ വളരെ മികച്ച ടീമാണ്, വളർന്നുവരുന്ന ടീം മാത്രമാണ് നിലവിലെ ദക്ഷിണാഫ്രിക്ക. അത്തരമൊരു പ്രോട്ടീസ് ടീമിനെ അനായാസം തോല്‍പിക്കാം എന്ന് ഇന്ത്യ തെറ്റിദ്ധരിക്കുകയും അമിത ആത്മവിശ്വാസം കാട്ടുകയും ചെയ്തു. ഇതാണ് ഇന്ത്യന്‍ ടീമിന്‍റെ പരാജയത്തിന് പ്രധാന കാരണം. കഴിഞ്ഞ നാലഞ്ച് വർഷക്കാലം ടെസ്റ്റിലും ഏകദിനത്തിലും ലോക ക്രിക്കറ്റ് അടക്കിഭരിച്ചവരാണ് ടീം ഇന്ത്യ. എന്നിട്ടും നിലവിലെ പ്രോട്ടീസ് ടീം നന്നായി കളിച്ചു, ഇന്ത്യക്കെതിരെ ഹോം ആനുകൂല്യം മുതലാക്കി വിജയം കൊയ്തു’ എന്നും താഹിർ രൂക്ഷമായി വിമർശിക്കുകയും ചെയ്തു.
