അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കായംകുളം: കെ. പി റോഡിൽ റെയിൽവേ മേൽപ്പാലത്തിൽ നിന്നും മനുഷ്യവിസർജ്യം ഉൾപ്പടെയുള്ള മാലിന്യങ്ങൾ യാത്രക്കാരുടെ ദേഹത്തു വീഴുന്നതിനെതിരെ യൂത്ത് കോൺഗ്രസ് കായംകുളം ടൗൺ സൗത്ത് മണ്ഡലം കമ്മിറ്റിയുടെ ആഭിമുഖ്യത്തിൽ യാത്രക്കാർക്ക് കുടകൾ നൽകി വ്യത്യസ്തമായ പ്രതിഷേധ പ്രകടനം സംഘടിപ്പിച്ചു.ട്രെയിൻ കടന്നു പോകുമ്പോൾ ഇരുചക്രവാഹനങ്ങൾ നിർത്തിയിടുന്നതിനാൽ ഗതാഗതം തടസമുണ്ടാകും.
ഇതിന് ശാശ്വത പരിഹാരം കാണുന്നതിനു വേണ്ടിയാണ് യൂത്ത് കോൺഗ്രസ് വേറിട്ട സമരം നടത്തിയത്. ഇ സമീർ ഉദ്ഘാടനം നിർവഹിച്ചു. മണ്ഡലം പ്രസിഡന്റ് ഹസീം അമ്പീരേത്ത് അദ്ധ്യക്ഷത വഹിച്ചു. അൻസാരി കോയിക്കലേത്ത്, ഇ അബ്ദുൽഹമീദ്, ഹാഷിം സേട്ട്, റിഷി വി സുരേഷ്, ബി എസ് മാത്യു, ഷാജി വാലയിൽ, വിഷ്ണു മുരളി, എബിൻ കാഞ്ഞിക്കൽ, സുധി മേനത്തേരിൽ എന്നിവർ നേതൃത്വം നൽകി.
