അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദുബായ്: അന്തരിച്ച ഡോ. പി.എ. ഇബ്രാഹീം ഹാജിയുടെ പേരില്‍ വിദ്യാഭ്യാസ അവാര്‍ഡ് ഏര്‍പ്പെടുത്താന്‍ ദുബായ് കെ.എം.സി.സി സംസ്ഥാന ഭാരവാഹികളുടെ യോഗം തീരുമാനിച്ചു.അദ്ദേഹത്തി‍െന്‍റ പേരില്‍ സ്മരണികയും പ്രസിദ്ധീകരിക്കും. അടുത്ത ഷാര്‍ജ ബുക്ക് ഫെയറില്‍ കൂടുതല്‍ പുതിയ പുസ്തകങ്ങള്‍ എത്തിക്കാനും എഴുത്തുകാരെ പ്രോത്സാഹിപ്പിക്കുന്നതി‍െന്‍റ ഭാഗമായി അവരുടെ പുസ്തകങ്ങള്‍ പ്രകാശനം ചെയ്യാനുള്ള പദ്ധതികള്‍ നടപ്പാക്കാനും തീരുമാനിച്ചു.
പ്രസിഡന്‍റ് ഇന്‍ചാര്‍ജ് ഹുസൈനാര്‍ ഹാജി എടച്ചാക്കൈ അധ്യക്ഷത വഹിച്ചു. കേരളത്തിൽ കോഴിക്കോട്ടും,
ദുബായിലും അന്താരാഷ്ട്ര വ്യക്തിത്വങ്ങളെ പങ്കെടുപ്പിച്ച്‌ ഇബ്രാഹീം ഹാജി അനുസ്മരണം സംഘടിപ്പിക്കും. ഓര്‍ഗനൈസിങ് സെക്രട്ടറി ഹംസ തൊട്ടിയില്‍, സീനിയര്‍ സെക്രട്ടറി അഡ്വ. സാജിദ് അബൂബക്കര്‍, മുസ്തഫ വേങ്ങര, മുഹമ്മദ് പട്ടാമ്ബി, ഹനീഫ് ചെര്‍ക്കള, എന്‍.കെ. ഇബ്രാഹീം, ആര്‍. ശുക്കൂര്‍, അബ്ദുല്‍ കാദര്‍ അരിപ്പാമ്ബ്ര, അഷ്‌റഫ് കൊടുങ്ങല്ലൂര്‍, ഫാറൂഖ് പട്ടികര, മൊയ്‌ദു ചപ്പാരപ്പടവ്, ഹസന്‍ ചാലില്‍, കെ.പി.എ. സലാം, നിസാമുദ്ദീന്‍ കൊല്ലം, അഡ്വ. ഇബ്രാഹിം ഖലീല്‍ തുടങ്ങിയവര്‍ പങ്കെടുത്തു. ജനറല്‍ സെക്രട്ടറി മുസ്തഫ തിരൂര്‍ സ്വാഗതവും ട്രഷറര്‍ പി.കെ. ഇസ്മായില്‍ നന്ദിയും പറഞ്ഞു.
