അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദോഹ: ഫറോക്ക് പ്രവാസി അസോസിയേഷന്‍ ഖത്തര്‍ നേതൃത്വത്തില്‍ ‘ഫറോ സ്പോര്‍ട്സ്’ കായിക മത്സരം സംഘടിപ്പിച്ചു.ഒലിവ് സ്കൂളില്‍ നടന്ന പരിപാടിയില്‍ ഫുട്ബാള്‍, ക്രിക്കറ്റ്, കമ്പവലി തുടങ്ങി നിരവധി ഇനങ്ങളില്‍ മത്സരങ്ങള്‍ നടന്നു. സ്ത്രീകള്‍, കുട്ടികള്‍, പുരുഷന്മാര്‍ എന്നിവര്‍ക്കായി വെവ്വേറെ മത്സരങ്ങളായിരുന്നു.
ബാസ്കറ്റ്‌ ബാള്‍, ക്രിക്കറ്റ്, ഷൂട്ടൗട്ട്‌, കമ്പവലി, ഓട്ടം എന്നീ ഇനങ്ങളില്‍ വാശിയേറിയ മത്സരങ്ങള്‍ നടന്നു. സ്ത്രീകള്‍ക്കും കുട്ടികള്‍ക്കും വെവ്വേറെ ഇനങ്ങളില്‍ മത്സരങ്ങളുണ്ടായിരുന്നു. വിജയികള്‍ക്കുള്ള സമ്മാനങ്ങള്‍ ചടങ്ങില്‍ വിതരണം ചെയ്തു. നിധീഷ്, സാബിക്, അന്‍വര്‍, ഷിജു, ശബ്‌ന, ദീപ്തി, ബുഷറ എന്നിവര്‍ പരിപാടികള്‍ക്ക് നേതൃത്വം നല്‍കി.
ഫറോക്ക് പ്രവാസി അസോസിയേഷന്‍, യു.എ.ഇ സ്ഥാപക പ്രസിഡന്‍റും ഫാറൂഖ് കോളജ് മുന്‍ അധ്യാപകനുമായ കെ. മുഹമ്മദ്‌ ബഷീര്‍ ‘ഫറോ സ്പോര്‍ട്സ്’ഉദ്ഘാടനം ചെയ്തു. അസ്‌കര്‍ റഹ്‌മാന്‍ വേങ്ങാട്ട് അധ്യക്ഷത വഹിച്ചു. ചടങ്ങില്‍ 2022 വര്‍ഷത്തേക്കുള്ള കലണ്ടര്‍ പ്രകാശനവും നടന്നു. മജീദ് സ്വാഗതവും ബാസില്‍ നന്ദിയും പറഞ്ഞു.
