അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഡൽഹി:കോവിഡിന്റെ വകഭേദമായ ഒമൈക്രോണിന്റെ കേസുകള്‍ രാജ്യത്തും ലോകത്തും വര്‍ദ്ധിച്ചുവരുന്ന സാഹചര്യത്തിൽ പ്രധാന മന്ത്രി നരേന്ദ്ര മോദിയുടെ യുഎഇ പര്യടനം റദ്ദാക്കി. ജനുവരി ആറിനായിരുന്നു നരേന്ദ്ര മോദിയുടെ യുഎഇ, കുവൈത്ത് സന്ദര്‍ശനം. പല യാത്രകളും മറ്റ് വിവിധ കാര്യങ്ങൾക്കും വിലക്ക് ഏർപ്പെടുത്തിയ സാഹചര്യത്തിൽ എല്ലാവരും സഹകരിക്കേണ്ടതുമാണ്.
ഒമൈക്രോണ്‍ കേസുകളുടെ എണ്ണം വര്‍ദ്ധിക്കുന്നതിനാല്‍ സന്ദര്‍ശനം പുനഃക്രമീകരിക്കേണ്ടിവരുമെന്നും ഫെബ്രുവരിയില്‍ ഇത് സാധ്യമാകുമെന്നും സൗത്ത് ബ്ലോക്ക് വൃത്തങ്ങള്‍ അറിയിച്ചു.യുഎസില്‍, ഡെല്‍റ്റയെ മാറ്റിസ്ഥാപിക്കുന്ന പ്രധാന വൈറസാണ് ഒമൈക്രോണ്‍ . യുകെയില്‍, ഒമിക്‌റോണിന്റെ അതിവേഗ വ്യാപനം കാരണം കോവിഡ് -19 കേസുകള്‍ ദിനംപ്രതി റെക്കോര്‍ഡുകള്‍ തകര്‍ക്കുന്നു.
കൊറോണ വൈറസിന്റെ ഒമൈക്രോണ്‍ വേരിയന്റ് ലോകമെമ്ബാടും പടര്‍ന്ന് പിടിക്കുന്നു, ഇത് അമേരിക്കയെയും യൂറോപ്പിനെയും സാരമായി ബാധിച്ചു.ഇന്ത്യയില്‍, സ്ഥിതിഗതികള്‍ ഇതുവരെ നിയന്ത്രണത്തിലാണ്, നവംബര്‍ 24 ന് ദക്ഷിണാഫ്രിക്കയില്‍ ഒമൈക്രോണ്‍ കണ്ടെത്തിയതിനുശേഷം ഏകദേശം 800 കേസുകള്‍ റിപ്പോര്‍ട്ട് ചെയ്യപ്പെട്ടു.
