അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ചെന്നൈ: ചെന്നൈയില്‍ ഹയര്‍സെക്കന്ററി വിദ്യാര്‍ത്ഥികളുടെ സ്‌കൂള്‍ വാട്സാപ്പ് ഗ്രൂപ്പില്‍ പോണ്‍ വീഡിയോ ഷെയര്‍ ചെയ്‌ത അദ്ധ്യാപകന്‍ അറസ്‌റ്റില്‍. ചെന്നൈയിലെ സ്വകാര്യ സ്‌കൂളിലെ വിദ്യാര്‍ത്ഥികള്‍ക്കായുള‌ള ഗ്രൂപ്പിലാണ് മദ്യപിച്ച്‌ ബോധമില്ലാതെ അദ്ധ്യാപകന്‍ അശ്ളീല വീഡിയോ ഷെയര്‍ ചെയ്‌തത്.
സംഭവത്തില്‍ സ്‌കൂള്‍ അധികൃതരുടെ പരാതിയില്‍ സ്‌കൂളിലെ ഗണിതാദ്ധ്യാപകനായ ആര്‍.മതിവാണനെ അറസ്റ്റ് ചെയ്‌തു. ഇയാള്‍ക്കെതിരെ ഐ.ടി, പോക്‌സോ വകുപ്പുകള്‍ അനുസരിച്ചാണ് പൊലീസ് കേസെടുത്തത്.
കുട്ടികള്‍ക്ക് പരീക്ഷയ്‌ക്ക് പ്രത്യേക പരിശീലനം നല്‍കുന്നതിനുള‌ള ഗ്രൂപ്പാണിത്. ഇതില്‍ ഇതേ സ്‌കൂളില്‍ പത്ത് വര്‍ഷത്തെ അദ്ധ്യാപന പരിചയമുള‌ള മതിവാണനും ക്ളാസുകള്‍ എടുക്കാറുണ്ട്. അശ്ലീല ചിത്രമാണെന്നറിയാതെ മദ്യപിച്ച്‌ ബോധമില്ലാതെയാണ് വീഡിയോ അയച്ചതെന്ന് ഇയാള്‍ സ്‌കൂളിലെ അന്വേഷണ കമ്മീഷനില്‍ അറിയിച്ചു.
