അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഐ എസ് എല്ലില്‍ ഇന്ന് നടന്ന രണ്ടാം മത്സരത്തില്‍ ഹൈദരബാദ് എഫ് സിയും എഫ് സി ഗോവയും സമനിലയില്‍ പിരിഞ്ഞു. 1-1 എന്ന സ്കോറിനാണ് മത്സരം അവസാനിച്ചത്.ഇരു ടീമുകളും ഇന്ന് മികച്ച പ്രകടനമാണ് കാഴ്ചവെച്ചത്.
ഇന്ന് മത്സരത്തിന്റെ 54ആം മിനുട്ടില്‍ ഒരു ഹെഡറിലൂടെ ജോല്‍ ചിയനീസ് ആണ് ഹൈദരബാദിന് ലീഡ് നല്‍കിയത്. വലതു വിങ്ങിലൂടെ മുന്നേറി കൊണ്ട് നിഖില്‍ പൂജാരി നല്‍കിയ ക്രോസാണ് ഗോളില്‍ കലാശിച്ചത്.
62ആം മിനുട്ടില്‍ ഐറാമിലൂടെ ഗോവ മറുപടി നല്‍കി. ദേവേന്ദ്ര ഗോള്‍ കീപ്പറെ മറികടന്ന തൊടുത്ത ഷോട്ട് പോസ്റ്റില്‍ തട്ടി മടങ്ങുമ്ബോള്‍ ഐറാം വലയിലലേക്ക് ഒമൊഅത്ത് തിരിച്ചു വിടുകയായിരുന്നു. ഈ സമനിലയോടെ ഹൈദരാബാദ് 11 പോയിന്റുമായി രണ്ടാം സ്ഥാനത്ത് നില്‍ക്കുകയാണ്. ഗോവ ഏഴ് പോയിന്റുമായി ഏഴാം സ്ഥാനത്ത് നില്‍ക്കുന്നു.
