അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുവൈത്ത് സിറ്റി: അധികാരമേറ്റതിൻറെ വാര്‍ഷികവും ഖത്തര്‍ ദേശീയ ദിനാഘോഷവുമായി ബന്ധപ്പെട്ട് ഖത്തര്‍ അമീര്‍ ശൈഖ് തമീം ബിന്‍ ഹമദ് അല്‍ അല്‍താനിയെ കുവൈത്ത് അമീര്‍ ശൈഖ് നവാഫ് അല്‍ അഹ്മദ് അല്‍ ജാബിര്‍ അസ്സബാഹ് അഭിനന്ദിച്ചു.
വിവിധ മേഖലകളില്‍ ശ്രദ്ധേയമായ പുരോഗതി കൈവരിക്കാന്‍ ശൈഖ് തമീമിന് കീഴില്‍ ഖത്തറിന് കഴിഞ്ഞിട്ടുണ്ടെന്നും ആരോഗ്യത്തോടെ കൂടുതല്‍ കാലം രാജ്യത്തെ നയിക്കാന്‍ അദ്ദേഹത്തിന് കഴിയട്ടെയെന്നും അമീര്‍ ആശംസിച്ചു.
കിരീടാവകാശി ശൈഖ് മിശ്അല്‍ അല്‍ അഹ്മദ് അല്‍ ജാബിര്‍ അസ്സബാഹ്, പ്രധാനമന്ത്രി ശൈഖ് സബാഹ് ഖാലിദ് അല്‍ ഹമദ് അസ്സബാഹ് എന്നിവരും ഖത്തറിനെ അഭിനന്ദിക്കുകയും ആശംസ അറിയിക്കുകയും ചെയ്തു. ഖത്തര്‍ ദേശീയ ദിനാഘോഷത്തോടനുബന്ധിച്ച്‌ സൂഖ് മുബാറകിയ, പ്രധാന റോഡുകള്‍ എന്നിവിടങ്ങളില്‍ ഖത്തര്‍ പതാക അലങ്കരിച്ചു. കുവൈത്ത് ടവറിലും ഖത്തര്‍ പതാകയുടെ നിറമണിയിച്ചു.
