അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഐ ലീഗ് ആരംഭിക്കാന്‍ ഇനി ഏതാനും ദിവസങ്ങള്‍ മാത്രം ബാക്കിയിരിക്കെ ഗോകുലം കേരള ഐ ലീഗിനായുള്ള ബയോബബിളില്‍ പ്രവേശിച്ചു.ഐ ലീഗ് ഡിസംബര്‍ 26ന് ആണ് ആരംഭിക്കുന്നത്. കൊല്‍ക്കത്തയില്‍ 26ന് നിലവിലെ ചാമ്ബ്യന്മാരായ ഗോകുലം ചര്‍ച്ചില്‍ ബ്രദേഴ്സിനെ നേരിടും.നീണ്ട പ്രീസീസണ് ശേഷമാണ് ഗോകുലം കേരള ഐ ലീഗ് ബയോ ബബിളില്‍ എത്തുന്നത്. പ്രീസീസണില്‍ ഡ്യൂറണ്ട് കപ്പിലും ഐ എഫ് എ ഷീല്‍ഡിലും ഗോകുലം പങ്കെടുത്തിരുന്നു.
ഐ എഫ് എ ഷീല്‍ഡില്‍ സെമി ഫൈനല്‍ വരെ എത്താനും ഗോകുലത്തിനായിരുന്നു. ഈ സീസണിലെ ഹീറോ ഐ-ലീഗിലെ മത്സരങ്ങള്‍ മൂന്ന് വേദികളിലായാകും നടക്കുക – കൊല്‍ക്കത്തയിലെ മോഹന്‍ ബഗാന്‍ ഗ്രൗണ്ട്, കല്യാണിയിലെ കല്യാണി സ്റ്റേഡിയം, നൈഹാത്തിയിലെ നൈഹാത്തി സ്റ്റേഡിയം എന്നീ ഗ്രൗണ്ടിലാകും മത്സരങ്ങള്‍. ഈ സീസണില്‍ ഹീറോ ഐ-ലീഗിലെ ടീമുകളുടെ എണ്ണം വര്‍ദ്ധിച്ചിട്ടുണ്ട്, 13 ടീമുകള്‍ ലീഗില്‍ ഇത്തവണ പങ്കെടുക്കുന്നു.
ശ്രീനിധി എഫ് സി, രാജസ്ഥാന്‍ യുണൈറ്റഡ്, കെങ്ക്രെ എഫ് സി എന്നിവര്‍ക്ക് ഇത് ഐ ലീഗിലെ ആദ്യ സീസണാകും. മുന്‍ ചാമ്ബ്യന്മാരായ ചെന്നൈ സിറ്റി ഇത്തവണ ഐ ലീഗില്‍ ഇല്ല.
റഫറിമാര്‍, ഉദ്യോഗസ്ഥര്‍, സന്നദ്ധപ്രവര്‍ത്തകര്‍ താരങ് എന്നിവരെല്ലാവരും ബയോ ബബിളുകളില്‍ നിന്നാകും ലീഗ് നടക്കുക. താരങ്ങള്‍ മുഴുവനും വാക്സിനേറ്റഡ് ആയിരിക്കും.
കൊറോണ കാരണം ഉണ്ടായ പുതിയ സാഹചര്യം കണക്കിലെടുത്ത് ഇത്തവണയും ഐ ലീഗിലെ മത്സര രീതികള്‍ മാറും. ലീഗില്‍ ഇത്തവണയും രണ്ട് തവണ ഇത്തവണ ടീമുകള്‍ ഏറ്റുമുട്ടില്ല. പകരം ഒരോ ടീമുകളും ഒരോ തവണ മാത്രമേ പരസ്പരം ഏറ്റുമുട്ടുകയുള്ളൂ. ആദ്യ ആറു സ്ഥാനങ്ങള്‍ എത്തുന്നവര്‍ ഒരു ഗ്രൂപ്പിലേക്ക് മാറിയും അവസാന സ്ഥാനങ്ങളില്‍ എത്തുന്നവര്‍ വേറൊരു ഗ്രൂപ്പിലായും വീണ്ടും ഏറ്റുമുട്ടും. ഈ മത്സരങ്ങള്‍ കൂടെ കഴിഞ്ഞാകും വിജയിയെ തീരുമാനിക്കുക. കേരള ക്ലബായ ഗോകുലം കേരള ഐ ലീഗ് കിരീടം നിലനിര്‍ത്താന്‍ വേണ്ടിയാകും ഈ സീസണില്‍ ഇറങ്ങുക.
