അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇംഗ്ലീഷ് പ്രീമിയര്‍ ലീഗില്‍ നീണ്ടകാല ഇടവേളക്ക് ശേഷം ആഴ്സണല്‍ ആദ്യ നാലില്‍. ഇന്ന് എമിറേറ്റ്സ് സ്റ്റേഡിയത്തില്‍ നടന്ന മത്സരത്തില്‍ നാലാം സ്ഥാനത്തുണ്ടായിരുന്ന വെസ്റ്റ് ഹാമിനെ പരാജയപ്പെടുത്തിയാണ് ആഴ്സണല്‍ മുന്നേറിയത്.
മറുപടിയില്ലാത്ത രണ്ടു ഗോളിനായിരുന്നു അര്‍ട്ടേറ്റയുടെ ടീമിന്റെ വിജയം. തുടക്കം മുതല്‍ ആഴ്സണല്‍ ആണ് ഇന്ന് ആധിപത്യം പുലര്‍ത്തിയത്. ആദ്യ പകുതിയില്‍ പക്ഷെ ഫബിയന്‍സ്കിയുടെ മികവ് കളി ഗോള്‍ രഹിതമാക്കി നിര്‍ത്തി.എന്നാല്‍ രണ്ടാം പകുതിയില്‍ ആഴ്സണല്‍ തുടക്കത്തില്‍ തന്നെ ലീഡ് എടുത്തു. 47ആം മിനുട്ടില്‍ ബ്രസീലിയന്‍ യുവതാരം മാര്‍ട്ടിനെല്ലി ആണ് ആഴ്സണലിന് ലീഡ് നല്‍കിയത്.
67ആം മിനുട്ടില്‍ വെസ്റ്റ് ഹാം താരം സൗഫല്‍ ചുവപ്പ് കാര്‍ഡ്നേടി പുറത്തായി. പിന്നാലെ കിട്ടിയ പെനാള്‍ട്ടി ലകാസെറ്റിന് ലക്ഷ്യത്തില്‍ എത്തിക്കാനും ആയില്ല. മത്സരത്തിന്റെ അവസാനം എമിലെ സ്മിത് റോയിലൂടെ ആഴ്സണല്‍ രണ്ടാം ഗോളും നേടി. ഈ വിജയത്തോടെ ആഴ്സണല്‍ 29 പോയിന്റുമയി 4ആമത് എത്തി. വെസ്റ്റ് ഹാം അഞ്ചാം സ്ഥാനത്തേക്ക് താഴുകയും ചെയ്തു.
