അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.എറണാകുളം: സര്വകലാശാല വിഷയത്തില് കടുത്ത എതിര്പ്പുമായി ഗവര്ണര് ആരിഫ് മുഹമ്മദ് ഖാന്.ധനമന്ത്രിയും ചീഫ് സെക്രട്ടറിയും ഗവര്ണറെ കണ്ടെങ്കിലും നിലപാടില് മാറ്റമില്ല.സര്വകലാശാലകളുടെ ചാന്സലര് സ്ഥാനം മുഖ്യമന്ത്രി ഏറ്റെടുക്കട്ടെയെന്ന് ഗവര്ണര് വ്യക്തമാക്കി.
അതേസമയം സര്വകലാശാലകളുടെ ചാന്സലര് പദവി മുഖ്യമന്ത്രിയുടെ ഔദാര്യമല്ലെന്ന് കെപിസിസി പ്രസിഡന്റ് കെ സുധാകരന് പറഞ്ഞു. ഗവര്ണറുടെ കത്ത് മുഖ്യമന്ത്രിയുടെ മുഖത്തേറ്റ അടിയെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന് കൂട്ടിച്ചേര്ത്തു.കണ്ണൂര് വൈസ് ചാന്സലറുടെ പുനര്നിയമനം അടക്കം വിവിധ കാര്യങ്ങളിലെ അതൃപ്തി പരസ്യമാക്കി ഗവര്ണര് മുഖ്യമന്ത്രി പിണറായി വിജയന് കത്ത് നല്കി.
കാലടി, കണ്ണൂര് സര്വകലാശാലകളിലെ വി സി നിയമനങ്ങളില് അതൃപ്തിക്കൊപ്പം നിയമനത്തിനായുള്ള സെര്ച്ച് കമ്മിറ്റി പേരുകള് നല്കാത്തതും പ്രതിഷേധത്തിന് കാരണമാമായിട്ടുണ്ട്.ചരിത്രത്തിലില്ലാത്ത വിധം അസാധാരണ പ്രതിഷേധവുമായാണ് ഗവര്ണര് സര്ക്കാരിന് കത്ത് നല്കിയിരിക്കുന്നത്.
