അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദേശീയ സീനിയര്‍ വനിതാ ഫുട്ബോള്‍ ചാമ്ബ്യന്‍ഷിപ്പില്‍ റെയില്‍വേസ് ഫൈനലിലേക്ക് മുന്നേറി. ഇന്ന് കോഴിക്കോട് ഇ എം എസ് സ്റ്റേഡിയത്തില്‍ നടന്ന ആദ്യ സെമി ഫൈനലില്‍ മിസോറാമിനെ മറികടന്നാണ് റെയില്‍വേസ് ഫൈനലിലേക്ക് എത്തിയത്.
പെനാള്‍ട്ടി ഷൂട്ടൗട്ട് വരെ നീണ്ട പോരാട്ടത്തിന് ഒടുവിലായിരുന്നു വിജയം. ഗോള്‍ രഹിതമായ ആദ്യ പകുതിക്ക് ശേഷം 70ആം മിനുട്ടില്‍ മംതയിലൂടെ റെയില്‍വേസ് കളിയില്‍ ലീഡ് എടുത്തു.റെയില്‍വേസ് വിജയത്തിലേക്ക് പോവുകയാണ് എന്ന് തോന്നിച്ച അവസരത്തില്‍ ഇഞ്ച്വറി ടൈമില്‍ മിസോറാം സമനില കണ്ടെത്തി.
സിയാമി ആയിരുന്നു മിസോറാമിനെ ഗോളുമായി രക്ഷിച്ചത്. പിന്നീട് കളി എക്സ്ട്രാ ടൈമിലേക്ക് നീങ്ങി. 120 മിനുട്ട് കഴിഞ്ഞും സ്കോര്‍ 1-1 എന്നായതോടെ കളി പെനാള്‍ട്ടി ഷൂട്ടൗട്ടില്‍ എത്തി. ഷൂട്ടൗട്ടില്‍ 6-5 എന്ന സ്കോറിന് റെയില്‍വേസ് വിജയിച്ചു.
