അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ദോഹ: ഫിഫ പാൻ അറബ് കപ്പിൽ ഇന്നും നാളെയുമായി ഗ്രൂപ്പ് ഘട്ടം പൂർത്തിയാകും. ക്വാർട്ടർ ഫൈനൽ മത്സരങ്ങൾക്ക് വെളളിയാഴ്ച തുടക്കം. ഖത്തർ ഉൾപ്പെടെ 16 അറബ് ടീമുകളുടെ പങ്കാളിത്തത്തിൽ ആരംഭിച്ച പ്രഥമ ഫിഫ പാൻ അറബിൽ ഇതുവരെ ഗ്രൂപ്പ് ഘട്ടത്തിലെ 16 മത്സരംപൂർത്തിയായത്.
ടൂർണമെന്റിൽ ഗ്രൂപ്പ് ഘട്ടത്തിലെ 24 മത്സരങ്ങൾ ഉൾപ്പെടെ 32 മത്സരങ്ങളാണ് ആകെയുള്ളത്. ഗ്രൂപ്പ് ഘട്ടത്തിലെ അവശേഷിക്കുന്ന 8 മത്സരങ്ങൾ ഇന്നും നാളെയുമായി പൂർത്തിയാകും. 10,11 തീയതികളിൽ ക്വാർട്ടർ ഫൈനൽ, 15ന് സെമി ഫൈനൽ, 18ന് ലൂസേഴ്സ് ഫൈനൽ, ഫൈനൽ മത്സരം എന്നിങ്ങനെയാണ് ഇനിയുള്ള ദിവസങ്ങളിലെ മത്സര ഷെഡ്യൂൾ.
അറബ് കപ്പിന്റെ ഫൈനൽ ദിനമായ 18 ഖത്തറിന്റെ ദേശീയ ദിനം കൂടിയാണ്. ലൂസേഴ്സിന് സ്റ്റേഡിയം 974 ഉം ഫൈനലിന് അൽഖോറിലെ അൽ ബെയ്ത്തുമാണ് വേദിയാകുക.
