അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
സന്തോഷ് ട്രോഫി ഫുട്‌ബോളില്‍ കേരളം ഫൈനല്‍ റൗണ്ടില്‍. ദക്ഷിണ മേഖലാ ഗ്രൂപ്പ് ബി യോഗ്യതാ റൗണ്ടിലെ അവസാന മത്സരത്തിലാണ് കേരളം പുതുച്ചേരിയെ തോല്‍പിച്ചത്.
മൂന്നു മത്സരങ്ങളും വിജയിച്ച് ഒമ്പതു പോയിന്റുമായി ഗ്രൂപ്പ് ജേതാക്കളായാണ് കേരളത്തിന്റെ ഫൈനല്‍ റൗണ്ട് പ്രവേശനം. ഒന്നിനെതിരേ നാല് ഗോളിനായിരുന്നു കേരളത്തിന്റെ വിജയം.
ഒരു സമനില മാത്രം മതിയായിരുന്നു കേരളത്തിന് സന്തോഷ് ട്രോഫിയുടെ ഫൈനൽ റൗണ്ടിലെത്താന്‍. എന്നാൽ ജയം മാത്രം ലക്ഷ്യമിട്ടിറങ്ങിയ കേരളം പോണ്ടിച്ചേരിക്കെതിരായ മത്സരത്തേയും ആവേശമാക്കി. ആദ്യ പകുതിയുടെ 20 മിനുട്ടിനുളളിൽ 2 ഗോളുകളാണ് എതിര്‍ വലയിലെത്തിച്ചത്.
21-ാം മിനിറ്റില്‍ പെനാല്‍റ്റി ലക്ഷ്യത്തിലെത്തിച്ച് നിജോ ഗില്‍ബര്‍ട്ട് കേരളത്തിന് ലീഡ് നല്‍കി. മൂന്നു മിനിറ്റിനുള്ളില്‍ അര്‍ജുന്‍ ജയരാജിലൂടെ കേരളം രണ്ടാം ഗോളും നേടി. എന്നാൽ 39-ാം മിനിറ്റില്‍ അന്‍സണ്‍ സി ആന്റോയിലൂടെ പുതുച്ചേരി ഒരു ഗോള്‍ തിരിച്ചടിച്ചു.
കളിയുടെ ഗതിക്ക് വിപരീതമായി 39-ാം മിനുട്ടിൽ പോണ്ടിച്ചേരി ഒരു ഗോൾ തിരിച്ചടിച്ചു. എന്നാൽ രണ്ടാം പകുതിയുടെ തുടക്കത്തിൽ തന്നെ രണ്ട് ഗോളുകൾ കൂടിയടിച്ച് കേരളം ജയമുറപ്പിച്ചു.
ലക്ഷദ്വീപിനും ആന്‍ഡമാനുമെതിരെ വന്‍മാര്‍ജിനലിലായിരുന്നു കേരളത്തിന്റെ ജയം. ഇതുവരെ മൂന്നു മത്സരങ്ങളില്‍ നിന്നായി 18 ഗോളുകളാണ് കേരളം നേടിയത്.
