അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദമ്മാം: ലോക ഭിന്നശേഷി ദിനം ആചരിച്ച്‌ സൗദി അറേബ്യയിലെ ലുലു ഗ്രൂപ്പ്. ദമ്മാമിലെ ‘ഇഫാ ചാരിറ്റി’യുമായി സഹകരിച്ച്‌ ദമ്മാമിലെ ലുലു മാളിലാണ് വേറിട്ട പരിപാടി ഒരുക്കിയത്.പരിധികളെയും പരിമിതികളെയുമെല്ലാം അതിജീവിച്ച്‌ മുന്നോട്ട് നീങ്ങുന്ന ഭിന്നശേഷിക്കാരായ അന്‍പതോളം പേരെ ചേര്‍ത്ത് പിടിച്ച്‌ ഈ ദിനത്തില്‍ ലുലു ഗ്രൂപ്പ് സ്നേഹാദരങ്ങള്‍ നല്‍കി അനുമോദിച്ചുദമ്മാമിലെ ഭിന്നശേഷി ചാരിറ്റബിള്‍ ട്രസ്റ്റാണ് ‘ഇഫാ ചാരിറ്റി’.
അവരുമായി കൈകോര്‍ത്തായിരുന്നു ഈ വ്യത്യസ്തമായ സംഗമം ഒരുക്കിയത്. അന്‍പതോളം പേരില്‍ കുട്ടികളും മുതിര്‍ന്നവരും ഉണ്ടായിരുന്നു. ഇവരെ കവാടത്തില്‍ വെച്ച്‌ തന്നെ പൂക്കള്‍ നല്‍കി വരവേറ്റു.
മാളിലേക്ക് പ്രവേശിച്ച അവരെ മാനേജ്‌മെന്‍റ് നേരിട്ടെത്തി സ്വീകരിച്ചു. മണിക്കൂറുകളോളം ഇതുവരെ ആസ്വദിച്ചിട്ടില്ലാത്ത പുതിയ ലോകത്തിൻറെ വിസ്മയാനുഭവങ്ങള്‍ അവര്‍ക്ക് സമ്മാനിക്കാന്‍ ആവശ്യമായതെല്ലാം അവിടെ ഒരുക്കിയിരുന്നു.
കുട്ടികളും മുതിര്‍ന്നവരുമെല്ലാം പാടിയും കേട്ടും കഥപറഞ്ഞുമെല്ലാം സംഗമം ആസ്വദിച്ചു. തനിച്ചല്ല… കൂടെയുണ്ട് ഒരു സമൂഹം എന്നത് അടിവരയിടുന്നതായിരുന്നു അനുമോദന ചടങ്ങ്. ഇത്തരത്തില്‍ ഒരു പരിപാടി സംഘപ്പിക്കാന്‍ മുന്നോട്ടു വന്ന ലുലുവിനെ ചാരിറ്റബിള്‍ ട്രസ്റ്റ് ജനറല്‍ മാനേജര്‍ റാന തൈബ അഭിനന്ദിച്ചു.
അഭിമാനം തോന്നിയ നിമിഷമെന്ന് ലുലു ഗ്രൂപ്പും പ്രതികരിച്ചു. സഹതാപത്തേക്കാള്‍ അഭിമാനകരമായ നിലനില്‍പ്പാണ്‌ ഓരോ ഭിന്നശേഷിക്കാരും ആഗ്രഹിക്കുന്നതെന്ന് അവര്‍ അഭിപ്രായപ്പെട്ടു. മുന്നോട്ടുള്ള പ്രയാണത്തില്‍ ആരെയും പിന്നില്‍ ഉപേക്ഷിക്കാതെ ഒപ്പം ചേര്‍ത്തു പിടിക്കാന്‍ ഈ ഭിന്ന ശേഷി ദിനവും സംഗമവുമെല്ലാം നമ്മെ ഓര്‍മപ്പെടുത്തുകയാെണന്ന് വാര്‍ത്താക്കുറിപ്പില്‍ പറഞ്ഞു.
