അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.റിയാദ്‌: രാഷ്ട്രീയ – സാമൂഹിക രംഗത്തെ നൂതന പ്രവണതകള്‍ ചര്‍ച്ചചെയ്ത പ്രവാസി സാംസ്കാരികവേദി നേതൃപരിശീലന ക്യാമ്പ് ‘മുന്നേറ്റം’ കലാസാംസ്കാരിക പരിപാടികളോടെ സമാപിച്ചു.പ്രസിഡന്‍റ് സാജുജോര്‍ജ് ഉദ്ഘാടനം ചെയ്തു. വര്‍ത്തമാന കാലത്തെ ജനാധിപത്യരഹിതവും ജനവിരുദ്ധവുമായ നയങ്ങളെ ഇച്ഛാശക്തികൊണ്ടും ദീര്‍ഘവീക്ഷണം കൊണ്ടും നേരിടാന്‍ കരുത്തുനേടണമെന്ന് ക്യാമ്പ് അംഗങ്ങളുടെ മാര്‍ച്ച്‌പാസ്റ്റിന് സല്യൂട്ട് സ്വീകരിച്ച്‌ അദ്ദേഹം പറഞ്ഞു.
മേഖല ഭാരവാഹികളായ അഡ്വ. റെജി, എന്‍ജി. അബ്ദുറഹ്മാന്‍ കുട്ടി, ഷമീര്‍ തലശ്ശേരി, റുഖ്‌സാന ഇര്‍ഷാദ് എന്നിവര്‍ മാര്‍ച്ച്‌പാസ്റ്റിന് നേതൃത്വം നല്‍കി. തുടര്‍ന്ന് നടന്ന ടീം ബില്‍ഡിങ് പരിപാടി ഷംനാദ്, ഹാരിസ് മനമക്കാവില്‍ എന്നിവര്‍ നയിച്ചു. നേതാക്കളുടെ മനസ്സും പ്രവര്‍ത്തനവും എങ്ങനെയായിരിക്കണമെന്ന് അനാവരണം ചെയ്യുന്ന പരിശീലന പരിപാടിയില്‍ സലീം മാഹി, ഷഹ്ദാന്‍ മാങ്കുനിപ്പോയില്‍ എന്നിവര്‍ ക്ലാസെടുത്തു.
ഉച്ചക്ക് ശേഷം നടന്ന ഓപണ്‍ ഫോറത്തില്‍ ‘കേരളത്തിെന്‍റ രാഷ്ട്രീയ വ്യതിചലനങ്ങ’ളെ കുറിച്ച്‌ സംവാദം നടന്നു. പാനലിസ്റ്റുകളായ അജ്മല്‍ ഹുസൈന്‍, ഖലീല്‍ പാലോട്, റഹ്മത്ത് തിരുത്തിയാട് എന്നിവര്‍ സംസാരിച്ചു. അഡ്വ. റെജി, റസാഖ് മുണ്ടേരി, നിഹ്മത്തുല്ല, സിദ്ദീഖ് ആലുവ, സക്കീര്‍ തിരൂര്‍ എന്നിവര്‍ ചര്‍ച്ചയില്‍ പങ്കെടുത്തു. അഷ്‌റഫ് കൊടിഞ്ഞി മോഡറേറ്ററായിരുന്നു.
വിവിധ മേഖല കമ്മിറ്റികള്‍ നടത്തിയ വൈവിധ്യമാര്‍ന്ന ആവിഷ്കാരങ്ങളില്‍ യഥാക്രമം വെസ്റ്റ് മേഖല, ഈസ്റ്റ് മേഖല, സൗത്ത് മേഖല ഒന്നും രണ്ടും മൂന്നും സ്ഥാനങ്ങള്‍ കരസ്ഥമാക്കി. ആനുകാലിക വിഷയങ്ങളെ ആസ്പദമാക്കി നടന്ന ആക്ഷേപഹാസ്യ പ്രകടനങ്ങള്‍ ചിരിയും ചിന്തയും ഉണര്‍ത്തി. ഫൈസല്‍ കൊല്ലം, മുഫീദ്, റഷീദ് വാഴക്കാട്, അബ്ദുറഹ്മാന്‍ ഒലയാന്‍, ദില്‍ഷാദ്, സുലൈമാന്‍ എന്നിവര്‍ വിവിധ ആവിഷ്കാരങ്ങള്‍ക്ക് നേതൃത്വം നല്‍കി. ഔട്ട്ഡോര്‍ ഗെയിംസില്‍ വെസ്റ്റ്, നോര്‍ത്ത് മേഖലകള്‍ ഒന്നും രണ്ടും സ്ഥാനങ്ങള്‍ നേടി.
കുട്ടികളും മുതിര്‍ന്നവരും പങ്കെടുത്ത കലാസാംസ്കാരിക പരിപാടികളില്‍ ദില്‍ഷാദ്, ഷഹീര്‍, യാസീന്‍ അഹ്‌മദ്‌ സഹീര്‍, അമാന്‍ ഷാനവാസ്, നഹ്യാന്‍ അബ്ദുല്ലത്തീഫ്, ഹനിയ ഇര്‍ഷാദ്, അബ്ദുല്‍ ബാസിത്, അമീന്‍ അഷ്ഫാഖ്, ഇഫാ സഹീര്‍, ഹമദ് ബിന്‍ ആദില്‍ സഹീര്‍, സഫാ മഹ്ജബിന്‍, മുഹമ്മദ് ഷിനാസ് എന്നിവര്‍ ഗാനങ്ങള്‍ ആലപിച്ചു. സംറിന്‍ ഷാനവാസ്, നിവിന നസീര്‍, നദ ഷംനാദ്, ഫിദ ഷംനാദ്, നഹില റാഫി, ദുആ മറിയം, ദില്‍ന യൂസഫ്, ജിയ അബ്ദുല്‍മജീദ്, ഇശാ ഫാത്തിമ എന്നിവര്‍ നൃത്തത്തിലും ഒപ്പനയിലും പങ്കെടുത്തു.
സമാപന സെഷനില്‍ പ്രസിഡന്‍റ് സാജു ജോര്‍ജും മേഖല പ്രസിഡന്‍റുമാരും കലാപരിപാടികള്‍ അവതരിപ്പിച്ചവര്‍ക്ക് സമ്മാന വിതരണം നിര്‍വഹിച്ചു. ക്യാമ്ബിന് നേതൃത്വം നല്‍കിയ റിഷാദ് എളമരം, മിയാന്‍ തുഫൈല്‍, മുനീര്‍ കാളികാവ്, റുഷാദ്‌, നബീല്‍, ബഷീര്‍ രാമപുരം, ഷാഹിന അലി, ബാസിത്, ജംഷിദ്, ഷാനിദ് അലി, അഹ്ഫാന്‍, റെനീസ് എന്നിവരെ സാജു ജോര്‍ജ് അഭിനന്ദിച്ചു. സുലൈമാന്‍ വിഴിഞ്ഞം അവതാരകനായിരുന്നു. ‘പ്രവാസി’ ജനറല്‍ സെക്രട്ടറി ഖലീല്‍ പാലോട് സ്വാഗതവും ക്യാമ്ബ് കണ്‍വീനര്‍ റിഷാദ് എളമരം നന്ദിയും പറഞ്ഞു.
