അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആലുവ: പള്ളികളിൽ ഭിക്ഷയെടുത്ത് ജീവിച്ചിരുന്ന വയോധികയെ താമസ സ്ഥലത്ത് മരിച്ച നിലയിൽ കണ്ടെത്തി. മട്ടാഞ്ചേരി സ്വദേശിനി ഐഷാബിയെ(73) ആണ് മരിച്ച നിലയിൽ കണ്ടെത്തിയത്. ഇവരുടെ മുറിയിലെ അലമാരയിൽ നിന്ന് 1,67,620 രൂപയും ലഭിച്ചു. കുഴുവേലിപ്പടി മുസ്ലീം ജമാ അത്ത് പള്ളിയുടെ കെട്ടിടത്തിലാണ് ഇവർ കഴിഞ്ഞിരുന്നത്.
ഭിക്ഷാടനത്തിലൂടെ ലഭിച്ച തുക കൂട്ടിവെച്ചതായിരിക്കും ഇവിടെ നിന്ന് കണ്ടെടുത്ത പണം എന്ന് പോലീസ് പറഞ്ഞു. രാവിലെ ഭക്ഷണം കഴിച്ചതായി അടുത്ത മുറിയിലുള്ളവരോട് ഐഷാബി പറഞ്ഞു. പിന്നെ ഐഷാബിയെ പുറത്തേക്ക് കാണാതായതോടെ നോക്കിയപ്പോഴാണ് മരിച്ച നിലയിൽ കണ്ടത്. മൃതദേഹം മോർച്ചറിയിലേക്ക് മാറ്റി. എടത്തല പോലീസ് സ്ഥലത്തെത്തി നിയമനടപടികൾ സ്വീകരിച്ചു. ഇന്ന് പോസ്റ്റുമോർട്ടം നടത്തും. 35 വർഷം മുൻപ് ഐഷാബിയുടെ ഭർത്താവ് മരിച്ചു. കുഴിവേലപ്പടിയിൽ ഐഷാബി എത്തിയിട്ട് അഞ്ച് വർഷത്തോളമായിരുന്നു.
