ര​ണ്ടാം പോ​രാ​ട്ട​ത്തി​ന് തയ്യാറായി ഇ​ന്ത്യ​യും ന്യൂ​സി​ല​ൻ​ഡും

മും​ബൈ: അ​വ​സാ​ന പ​ന്തു​ വ​രെ ആ​വേ​ശം മു​റ്റി​നി​ന്ന ആ​ദ്യ ടെ​സ്​​റ്റി​ലെ സ​മ​നി​ല​ക്കു​ശേ​ഷം പ​ര​മ്പ​ര തേ​ടി ഇ​ന്ത്യ​യും ന്യൂ​സി​ല​ൻ​ഡും ര​ണ്ടാം പോ​രാ​ട്ട​ത്തി​നി​റ​ങ്ങു​ന്നു. ര​ണ്ടു ടെ​സ്​​റ്റു​ക​ൾ മാ​ത്ര​മു​ള്ള പ​ര​മ്പ​ര​യാ​യ​തി​നാ​ൽ വാം​ഖ​ഡെ​യി​ലെ ക​ളി ജ​യി​ക്കു​ന്ന​വ​ർ​ക്ക്​ ട്രോ​ഫി സ്വ​ന്ത​മാ​ക്കാം. അ​ര​ങ്ങേ​റ്റ ടെ​സ്​​റ്റി​ൽ സെ​ഞ്ച്വ​റി​യും ഫി​ഫ്​​റ്റി​യു​മാ​യി താ​ര​മാ​യ ശ്രേ​യ​സ്​ അ​യ്യ​ർ സ്ഥാ​നം നി​ല​നി​ർ​ത്തു​മോ എ​ന്നാ​ണ്​ ഇ​ന്ന്​ ഇ​ന്ത്യ​ൻ ആ​രാ​ധ​ക​ർ ഉ​റ്റു​നോ​ക്കു​ന്ന​ത്.

ആ​ദ്യ ടെ​സ്​​റ്റി​ൽ വി​ട്ടു​നി​ന്ന വി​രാ​ട്​ കോ​ഹ്​​ലി​ക്കു​പ​ക​ര​മാ​യി​രു​ന്നു അ​യ്യ​ർ​ക്ക്​ സ്ഥാ​നം ല​ഭി​ച്ച​ത്. ഇ​ന്ന്​ കോ​ഹ്​​ലി തി​രി​ച്ചെ​ത്തു​​​ബോൾ  അ​യ്യ​ർ പു​റ​ത്തി​രി​ക്കു​മോ, അ​തോ ഫോ​മി​ല്ലാ​യ്​​മ​യു​ടെ നെ​ല്ലി​പ്പ​ടി​യി​ലു​ള്ള ഉ​പ​നാ​യ​ക​ൻ അ​ജി​ൻ​ക്യ ര​ഹാ​നെ​യു​ടെ ത​ല​യു​രു​ളു​മോ. കോ​ഹ്​​ലി​യും കോ​ച്ച്​ രാ​ഹു​ൽ ദ്രാ​വി​ഡും ഇ​ക്കാ​ര്യ​ത്തി​ൽ ഒന്നും പറയാത്തതിനാൽ എ​ന്തും സം​ഭ​വി​ക്കാം.

ഒ​രു​കാ​ല​ത്ത്​ ഇ​ന്ത്യ​യു​ടെ ന​​ട്ടെ​ല്ലാ​യി​രു​ന്ന ര​ഹാ​നെ​യു​ടെ​യും ചേ​തേ​ശ്വ​ർ പു​ജാ​ര​യു​ടെ​യും മോ​ശം ഫോ​മാ​ണ്​ ഇ​ന്ത്യ​യെ കു​ഴ​ക്കു​ന്ന​ത്. ഫ​സ്​​റ്റ്​ ചോ​യ്​​സാ​യ രോ​ഹി​ത്​ ശ​ർ​മ​യും ലോ​കേ​ഷ്​ രാ​ഹു​ലു​മി​ല്ലാ​തി​രു​ന്നി​ട്ടും ഓ​പ​ണി​ങ്ങി​ൽ ശു​ഭ്​​മ​ൻ ഗി​ല്ലും മാ​യ​ങ്ക്​ അ​ഗ​ർ​വാ​ളും ഭേ​ദ​പ്പെ​ട്ട രീ​തി​യി​ൽ ബാ​റ്റേ​ന്തു​ന്ന​ത്​ ഇ​ന്ത്യ​ക്ക്​ ശു​ഭ​ക​ര​മാ​ണ്.

ബൗ​ളി​ങ്ങി​ൽ സ്​​പി​ന്ന​ർ​മാ​ർ​ക്ക്​ മാ​റ്റ​മു​ണ്ടാ​വി​ല്ലെ​ങ്കി​ലും പേ​സ​ർ ഇ​ശാ​ന്ത്​ ശ​ർ​മ​ക്കു​പ​ക​രം മു​ഹ​മ്മ​ദ്​ സി​റാ​ജി​നെ ക​ളി​പ്പി​ച്ചേ​ക്കു​മെ​ന്ന്​ സൂ​ച​ന​യു​ണ്ട്. ന്യൂ​സി​ല​ൻ​ഡ്​ നി​ര​യി​ലും മാ​റ്റ​ത്തി​ന്​ സാ​ധ്യ​ത​യു​ണ്ട്. മും​ബൈ​യി​ലെ പി​ച്ചി​ൽ പേ​സ​ർ​മാ​ർ​ക്ക്​ കൂ​ടു​ത​ൽ സ​ഹാ​യം ല​ഭി​ക്കു​മെ​ന്ന ക​ണ​ക്കു​കൂ​ട്ട​ലി​ൽ സ്​​പി​ന്ന​ർ വി​ൽ സോ​മ​ർ​വി​ല്ലിൻ്റെ സ്ഥാ​ന​ത്ത്​ ഇ​ടം​കൈ​യ​ൻ പേ​സ​ർ നീ​ൽ വാ​ഗ്​​ന​റെ ക​ളി​പ്പി​​ച്ചേ​ക്കും.