അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുവൈത്ത് സിറ്റി: കുവൈത്തിൽ (Kuwait) നിർത്തിയിട്ടിരുന്ന വാഹനത്തിൽ നിന്ന് 493 കുപ്പി മദ്യം പിടിച്ചെടുത്തു (Liquor seized). ഫ്രൈഡേ മാർക്കറ്റിന് സമീപം ഗതാഗത നിയമ ലംഘകരെ പിടികൂടാനായി പരിശോധന നടത്തുകയായിരുന്ന പൊലീസ് സംഘമാണ് സംശയകരമായ നിലയിൽ കാണപ്പെട്ട മിനി ബസിലും (Mini bus) പരിശോധന നടത്തിയത്.
മാർക്കറ്റിന് മുന്നിൽ സംശയകരമായ നിലയിൽ പാർക്ക് ചെയ്‍തിരുന്ന മിനി ബസിൽ അധികൃതർ പരിശോധന നടത്തിയപ്പോഴാണ് 493 കുപ്പി മദ്യം കണ്ടെത്തിയത്. ഇവയെല്ലാം പ്രാദേശികമായി നിർമിച്ചവയാണെന്നും പരിശോധനയിൽ കണ്ടെത്തിയിട്ടുണ്ട്. വാഹനവും മദ്യശേഖരവും ട്രാഫിക് പൊലീസ് കസ്റ്റഡിയിലെടുത്തു. വാഹനത്തിന്റെ ഉടമയെ കണ്ടെത്താനുള്ള നിയമ നടപടികൾ സ്വീകരിച്ചിട്ടുണ്ടെന്ന് അധികൃതർ അറിയിച്ചു. അതേ സമയം ട്രാഫിക് പരിശോധനയിൽ ഡ്രൈവിങ് ലൈസൻസില്ലാതെ വാഹനമോടിച്ചതായി കണ്ടെത്തിയ 12 കുട്ടികളെ പൊലീസ് പിടികൂടി. 23 വാഹനങ്ങളും ഗതാഗത നിയമ ലംഘനങ്ങളുടെ പേരിൽ പിടിച്ചെടുത്തിട്ടുണ്ട്.
