അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഇടുക്കി: മകന്റെ കുട്ടിയെ പീഡിച്ചിച്ചെന്ന് ആരോപിച്ച് ബന്ധുക്കള്‍ നല്‍കിയ പരാതിയില്‍ കുറ്റപത്രം വായിക്കുന്ന ദിവസം പ്രതി ആത്മഹത്യ ചെയ്തു. മൂന്നാര്‍ ന്യുകോളനിയില്‍ താമസിക്കുന്ന പാല്‍പ്പാണ്ടിയാണ് ആത്മഹത്യ ചെയ്തത്.
2019 ലാണ് കേസിന് ആസ്പദമായ സംഭവം. വീട്ടില്‍ കളിക്കുന്നതിനിടെ മകന്റെ കുട്ടിയെ പാല്‍പ്പാണ്ടി പീഡിക്കാന്‍ ശ്രമിച്ചെന്നാണ് ബന്ധുക്കള്‍ പൊലീസില്‍ പരാതി നല്‍കിയത്. എന്നാല്‍ പരാതി വ്യാജമാണെന്ന് നാട്ടുകാര്‍ അറിയിച്ചിരുന്നെങ്കിലും പൊലീസ് നടത്തിയ അന്വേഷണത്തില്‍ ഇയാള്‍ പ്രതിയാണെന്ന് കണ്ടെത്തുകയായിരുന്നു.
തുടര്‍ന്ന് മൂന്നുമാസം ജയില്‍ വാസം അനുഭവിക്കുകയും ചെയ്തു. പുറത്തിറങ്ങിയ പാല്‍പ്പാണ്ടി കടുത്ത മാനസിക അസ്വസ്ഥയനുഭവിച്ചു. വ്യാഴാഴ്ച തൊടുപുഴ പോക്‌സോ കോടതിയില്‍ കുറ്റപത്രം വായിക്കുകയാണെന്ന് അറിഞ്ഞതോടെ ഇയാള്‍ പുലര്‍ച്ചെ അടുക്കളയില്‍ തൂങ്ങിമരിക്കുകയായിരുന്നു.
