അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഹീറോ ഇന്ത്യന്‍ സൂപ്പര്‍ ലീഗ് (ഐ‌എസ്‌എല്‍) 2021-22 സീസണില്‍ ഇന്ന് ഗോവയിലെ ബാംബോലിമിലെ അത്‌ലറ്റിക് സ്റ്റേഡിയത്തില്‍ നടക്കുന്ന മത്സരത്തില്‍ ജംഷഡ്പൂര്‍ എഫ്‌സി ഹൈദരാബാദ് എഫ്‌സിയെ നേരിടും.
എസ്‌സി ഈസ്റ്റ് ബംഗാളിനെതിരായ ആദ്യ കളി സമനിലയില്‍ തളച്ച ജംഷദ്പൂര്‍ ഈ സീസണില്‍ ഇതുവ്രെ തോല്‍വിയറിഞ്ഞിട്ടില്ല. കഴിഞ്ഞ കളിയില്‍ എഫ്‌സി ഗോവയ്‌ക്കെതിരെ അവര്‍ വിജയം നേടിയിരുന്നു. പീറ്റര്‍ ഹാര്‍ട്ട്‌ലിയുടെ ഫോമും ഗോള്‍ വരള്‍ച്ച അവസാനിപ്പിച്ച സ്‌ട്രൈക്കര്‍ നെറിജസ് വാല്‍ക്‌സിസിന്റെ സാന്നിദ്ധ്യവുമാണ് ഹൈദരാബാദ് എഫ്‌സിക്ക് എതിരെ ജംഷദ്പൂരിന്റെ കരുത്ത്.
ഇന്ന് രാത്രി 7.30നാണ് മത്സരംനടക്കുന്നത്. ഹൈദരാബാദ് എഫ്‌സി മുംബൈ സിറ്റി എഫ്‌സിക്കെതിരായ വിജയത്തിന്റെ ആവേശത്തിലാണ് ജംഷദ്പൂരിന് മുന്നില്‍ എത്തുന്നത്. ഐ‌എസ്‌എല്‍ ചരിത്രത്തില്‍ മുംബൈക്ക് എതിരായ ഹൈദരബാദിന്റെ ആദ്യ ജയം ആയിരുന്നു അത്. സീസണിലെ ആദ്യ മത്സരത്തില്‍ ചെന്നൈയിന്‍ എഫ്‌സിക്കെതിരെ 1-0 ന് ഹൈദരബാദ് തോറ്റിരുന്നു.
