അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കണ്ണൂര്‍: പിണറായിയില്‍ സ്കൂളിലെ ശുചിമുറിയിൽ ഒളിക്യാമറ വച്ചെന്ന പരാതിയില്‍ അധ്യാപകൻ പോക്‌സോ കേസില്‍ അറസ്റ്റിൽ. വടകര കോട്ടപ്പള്ളി സ്വദേശി നൗഷാദാണ് അറസ്റ്റിലായത്. പെൺകുട്ടികളുടെ ശുചിമുറിയിൽ മൊബൈല്‍ ഫോണ്‍ ക്യാമറ വെച്ച് കുട്ടികളുടെ ദൃശ്യങ്ങൾ പകർത്തിയെന്നാണ് പരാതി.
നവംബര്‍ 29നായിരുന്നു കേസിനാസ്പദമായ സംഭവം. ശുചിമുറിയില്‍ ക്യാമറയുണ്ടെന്ന് കുട്ടികളാണ് അധ്യാപകരുടെ ശ്രദ്ധയില്‍പ്പെടുത്തിയത്. അധ്യാപകര്‍ ഉടന്‍ തന്നെ ധര്‍മടം പൊലീസിനെ അറിയിച്ചു. പൊലീസ് സ്കൂളിലെത്തി നടത്തിയ പരിശോധനയിലാണ് ഫോണ്‍ നൗഷാദിന്‍റേതാണെന്ന് വ്യക്തമായത്.
സ്കൂളിലെ താത്കാലിക അറബി അധ്യാപകനാണ് നൗഷാദ്. ഇയാളെ പൊലീസ് അറസ്റ്റ് ചെയ്തു.
