അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുവൈത്ത് സിറ്റി: തദബ്ബുറുല്‍ ഖുര്‍ആന്‍ ‘ഖുര്‍ആനിൻറെ ആഴങ്ങളിലേക്കൊരു പഠനയാത്ര’ സൗജന്യ പഠന പദ്ധതിയുടെ നാലാമത് ബാച്ച്‌ ഉദ്ഘാടനം ചൊവ്വാഴ്ച രാത്രി കുവൈത്ത് സമയം ഏഴിന് നടക്കും.
ഖുര്‍ആന്‍ അതുല്യ ഗ്രന്ഥം എന്ന വിഷയത്തില്‍ കെ.ഐ.ജി കുവൈത്ത് വൈസ് പ്രസിഡന്‍റ് സക്കീര്‍ ഹുസൈന്‍ തുവ്വൂര്‍ ഉദ്ഘാടന പ്രസംഗം നടത്തും. ‘എന്നെ സ്വാധീനിച്ച ഖുര്‍ആന്‍’ വിഷയത്തില്‍ ജി.കെ എടത്തനാട്ടുകര സംസാരിക്കും. പുതിയ ബാച്ചിലെ വിദ്യാര്‍ഥികള്‍ക്കുള്ള ഓറിയന്റെഷന്‍, പൂര്‍വവിദ്യാര്‍ഥികളുടെ അനുഭവം പങ്കുവെക്കല്‍ എന്നിവയുണ്ടാകും. സമീര്‍ മുഹമ്മദ് കോക്കൂര്‍ ആണ് സൂം ആപ്ലിക്കേഷനില്‍ നടത്തുന്ന കോഴ്സിലെ അധ്യാപകന്‍.
കോവിഡ് ലോക്ഡൗണില്‍ ജനങ്ങള്‍ വീട്ടിലിരുന്ന സമയത്ത് ആരംഭിച്ച കോഴ്സില്‍ മൂന്നുബാച്ചുകളില്‍ ഇതുവരെ 120 പേര്‍ പഠനം നടത്തിയതായി അധികൃതര്‍ അറിയിച്ചു. 846 3072 8044 എന്ന സൂം െഎ.ഡിയില്‍ Quran2021 എന്ന പാസ്കോഡ് ഉപയോഗിച്ച്‌ പരിപാടിയില്‍ പങ്കാളിയാകാം.
