അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ലണ്ടന്‍: ഒമൈക്രോണ്‍ കൂടുതല്‍ രാജ്യങ്ങളിലേക്ക് വ്യാപിക്കുന്നു. സ്‌പെയിനിലും ഒമൈക്രോണ്‍ വകഭേദം സ്ഥിരീകരിച്ചു. ദക്ഷിണാഫ്രിക്കയില്‍ നിന്നും മാഡ്രിഡിലെത്തിയ 51 കാരനാണ് ഒമൈക്രോണ്‍ ബാധിച്ചതായി സ്ഥിരീകരിച്ചത്. രോഗബാധിതന് നിലവില്‍ ഗുരുതരമായ പ്രശ്‌നങ്ങളില്ലെന്നും, ക്വാറന്റീനിലേക്ക് മാറ്റിയതായും സ്പാനിഷ് ആരോഗ്യവകുപ്പ് അധികൃതര്‍ വ്യക്തമാക്കി.
നിലവില്‍ 16 ഓളം രാജ്യങ്ങളിലായി 185 ഓളം ഒമൈക്രോണ്‍ കേസുകളാണ് റിപ്പോര്‍ട്ടു ചെയ്യപ്പെട്ടിട്ടുള്ളത്. ദക്ഷിണാഫ്രിക്കയിലാണ് ഏറ്റവും കൂടുതല്‍ രോഗബാധിതര്‍. 110 പേര്‍. ബ്രിട്ടനില്‍ ഒമ്പതുപേര്‍ക്ക് ഒമൈക്രോണ്‍ സ്ഥിരീകരിച്ചതായാണ് റിപ്പോർട്ട് . ജര്‍മ്മനി, ഹോങ്കോങ് എന്നിവിടങ്ങളില്‍ മൂന്നു പേര്‍ക്ക് വീതവും പോര്‍ച്ചുഗലില്‍ 13 പേര്‍ക്കും ഒമൈക്രോണ്‍ സ്ഥിരീകരിച്ചിട്ടുണ്ട്. ബോട്സ്വാനയില്‍ 19 പേര്‍ക്കാണ് രോഗബാധ കണ്ടെത്തിയത്.
