അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചാരുംമൂട്: ഗൃഹനാഥനെ വീടുകയറി ആക്രമിച്ച സംഭവവുമായി ബന്ധപ്പെട്ട് രണ്ടുപേരെ പോലീസ് അറസ്റ്റു ചെയ്തു.പള്ളിക്കല്‍ പണയില്‍ സായ് ഭവനത്തില്‍ സോമരാജനെ (55) ആക്രമിച്ച കേസില്‍ ശൂരനാട് ആനയടി വിഷ്ണു ഭവനം വിഷ്ണു (21), പണയില്‍ സ്നേഹാലയത്തില്‍ സജയന്‍ (41) എന്നിവരെയാണ് പൊലീസ് പിടികൂടിയത്.
കഴിഞ്ഞ ദിവസം ഉച്ചക്ക് സോമരാജന്റെ വീടിന് മുന്നിലാണ് സംഭവം നടന്നത്. വീടിന് മുന്നിലെ റോഡില്‍ മദ്യപിച്ച സംഘം ബഹളമുണ്ടാക്കിയിരുന്നു. ഇത് ചോദ്യം ചെയ്തതിന് വീടുകയറി മര്‍ദിച്ചതായാണ് സോമരാജന്റെ പരാതി. പരിക്കേറ്റ സോമരാജന്‍ ഇപ്പോള്‍ ആശുപത്രിയില്‍ ചികിത്സയില്‍ കഴിയുകയാണ്.
