അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പറവൂര്‍: മില്ലുംപടിക്ക് സമീപം നാടന്‍ ബോംബെറിഞ്ഞ് ഭീതിപരത്തി മന്നം സ്വദേശിയെ വാള്‍കൊണ്ട് വെട്ടിക്കൊലപ്പെടുത്താന്‍ ശ്രമിച്ച കേസില്‍ രണ്ടുപേര്‍കൂടി അറസ്റ്റിലായി.
കെടാമംഗലം ചാക്കാത്തറ വീട്ടില്‍ രാഹുല്‍ (കണ്ണന്‍ -26), കളമശ്ശേരി മൂലേപ്പാടം തിണ്ടിക്കല്‍ വീട്ടില്‍ ഷെഫിന്‍ (25) എന്നിവരാണ് പിടിയിലായത്.ശരത് എന്നയാള്‍ക്ക് നേരെയാണ് ആക്രമണം ഉണ്ടായത്. സംഭവത്തില്‍ നേരിട്ട് പങ്കുള്ളവരാണിവര്‍. ഒക്ടോബര്‍ 24ന് വൈകീട്ടാണ് സംഭവം.
പ്രതികളെ ഒളിവില്‍ കഴിയാന്‍ സഹായിച്ചവര്‍ ഉള്‍പ്പെടെ 11 പേരെ നേരത്തെ അറസ്റ്റ് ചെയ്തിരുന്നു . ജില്ല പൊലീസ് മേധാവി കെ. കാര്‍ത്തിക്, മുനമ്ബം ഡിവൈ.എസ്പി എസ്. ബിനു, ഇന്‍സ്പെക്ടര്‍മാരായ ജെ.എസ്. സജീവ് കുമാര്‍, ഷോജോ വര്‍ഗീസ്, എസ്.ഐമാരായ പ്രശാന്ത് പി. നായര്‍, അരുണ്‍ തോമസ്, എ.എസ്.ഐമാരായ ശെല്‍വരാജ്, കണ്ണദാസ് തുടങ്ങിയവര്‍ ചേര്‍ന്നാണ് പ്രതികളെ പിടികൂടിയത്.
