അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കോഴിക്കോട്: ചികിത്സാ സഹായം വാഗ്ദാനം നല്‍കി നിരവധി പേരില്‍ നിന്ന് പണം തട്ടിയെടുത്തെന്ന കേസില്‍ ഒരാള്‍ അറസ്റ്റില്‍.തൃശൂര്‍ എടക്കര കൂവ്വക്കൂട്ട് കെ. കുഞ്ഞുമോനെയാണ് പൊലീസ് അറസ്റ്റ് ചെയ്തത്.
ഒക്ടോബറല്‍ കോഴിക്കോട് ബേബി മെമോറിയല്‍ ആശുപത്രിക്ക് സമീപം വെച്ച്‌ ഫൈസല്‍ എന്ന ഓട്ടോറിക്ഷ ഡ്രെവറുടെ കയ്യില്‍ നിന്നും ഇയാൾ മൂന്നര പവന്‍ സ്വര്‍ണം തട്ടിയെടുത്തിരുന്നതായി പരാതി നല്‍കിയിരുന്നു. ഈ കേസിലാണ് മെഡികല്‍ കോളജിന് സമീപമുള്ള ലോഡ്ജില്‍ വെച്ച്‌ പ്രതിയെ നടക്കാവ് പൊലീസ് അറസ്റ്റ് ചെയ്തത്.
പാവപ്പെട്ട രോഗികള്‍ക്ക് ചികിത്സാ സഹായം നല്‍കാമെന്നും, വിവാഹത്തിന് ആവശ്യമായ സ്വര്‍ണം വാങ്ങി, ബില്ലും സ്വര്‍ണവും കാണിച്ചാല്‍ മുഴുവന്‍ തുകയും നല്‍കാമെന്നും പറഞ്ഞ് വിശ്വസിപ്പിച്ചാണ് ഇയാള്‍ ആളുകളില്‍ നിന്ന് പണം തട്ടിയിരുന്നതെന്നും പൊലീസ് പറഞ്ഞു.
കോഴിക്കോട്, ഒറ്റപ്പാലം കുറ്റിപ്പുറം, പരപ്പനങ്ങാടി എന്നിവിടങ്ങളില്‍ നിന്ന് ഇയാള്‍ പണം തട്ടിയെടുത്തതായും പരാതിയുണ്ട്. കുഞ്ഞുമോനെ കോഴിക്കോട് ജെഎഫ്‌സിഎം 4 കോടതിയില്‍ ഹാജരാക്കി, 14 ദിവസത്തേക്ക് റിമാന്‍ഡ് ചെയ്തു.
