അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊല്ലം: ദമ്പതികളെ ലോറിയിടിച്ച്‌ കൊലപ്പെടുത്താന്‍ ശ്രമിച്ച കേസിലെ പ്രതി അറസ്റ്റില്‍.കഴിഞ്ഞ ജൂലൈ ആറിന് കൊല്ലം പാരിപ്പള്ളി ഇഎസ്‌ഐ ജംഗ്ഷന് സമീപം വച്ച്‌ ദമ്പതികളെ ലോറിയിടിച്ചിട്ടശേഷം ക്രൂരമായി ഉപദ്രവിച്ച്‌ പരിക്കേല്‍പ്പിച്ച കേസിലെ പ്രതിയായ പാരിപ്പള്ളി പാന്പുറം ഇഎസ്‌ഐ ജംഗ്ഷനുസമീപം കോലായില്‍ വീട്ടില്‍ അജീഷ് (24) നെയാണ് പാരിപ്പള്ളി പോലീസ് അറസ്റ്റ് ചെയ്തത്.
പാരിപ്പള്ളി ഇഎസ്‌ഐ ജംഗ്ഷന് സമീപം വച്ച്‌ പാന്പുറം ഇഎസ്‌ഐ ജംഗ്ഷന് സമീപം തന്‍സീനാ മന്‍സിലില്‍ ബദറുദീന്‍ (52), ഭാര്യ സബീനാ ബീവി (48) എന്നിവര്‍ സ്കൂട്ടറില്‍ സഞ്ചരിക്കവേ പ്രതി ലോറികൊണ്ട് ഇടിച്ചശേഷം ലോറിയില്‍ നിന്നും ഇറങ്ങി വന്ന പ്രതി, റോഡ് സൈഡിലേക്ക് തെറിച്ചുവീണ ദമ്പതികളെ ശാരീരികമായി ഉപദ്രവിക്കുകയായിരുന്നു.
ഒളിവില്‍പ്പോയ അജീഷ് തിരികെ നാട്ടിലെത്തിയതായി സിറ്റി പോലീസ് കമ്മീഷണര്‍ നാരായണന് ലഭിച്ച രഹസ്യ വിവരത്തിന്‍റെ അടിസ്ഥാനത്തിലാണ് ഇയാളെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതി അജീഷിനെ റിമാന്‍ഡ് ചെയ്തു.
