അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ലിജോ ജോസ് പെല്ലിശ്ശേരി(lijo jose pellissery) സംവിധാനം ചെയ്ത ചുരുളി(churuli ) റിലീസിന് ഒരുങ്ങുന്നു. ഒടിടി(ott) പ്ലാറ്റ് ഫോമായ സോണി ലിവ്വിൽ(sony liv) നവംബർ 19ന് ചിത്രം പ്രേക്ഷകർക്ക് മുന്നിലെത്തും. സിനിമയുടെ ട്രെയിലർ പുറത്തുവിട്ടിട്ടുണ്ട്. ഏറെ നിഗൂഢതകൾ നിറച്ചാണ് ട്രെയിലർ ഒരുക്കിയിരിക്കുന്നത്. മൈലാടുംപറമ്പിൽ ജോയ് എന്ന വ്യക്തിയെ തേടിയുള്ള ചെമ്പൻ വിനോദിന്റെയും വിനയ് ഫോർട്ടിന്റെയും യാത്രയാണ് ട്രെയിലറിൽ കാണിക്കുന്നത്.
ഛായാഗ്രഹണം മധു നീലകണ്ഠൻ. എഡിറ്റിംഗ് ദീപു ജോസഫ്. സൗണ്ട് ഡിസൈൻ രംഗനാഥ് രവി. ചീഫ് അസോസിയേറ്റ് ഡയറക്ടർ ടിനു പാപ്പച്ചൻ. അനിമേഷൻ ഡയറക്ടർ ബലറാം ജെ. ഡിസൈൻസ് ഓൾഡ് മങ്ക്സ്. മൂവി മൊണസ്റ്ററി, ചോംബോസ്‍കി മോഷൻ പിക്‍ചേഴ്‍സ് എന്നിവയുടെ ബാനറുകളിൽ ലിജോ ജോസ് പെല്ലിശ്ശേരിയും ചെമ്പൻ വിനോദ് ജോസും ചേർന്നാണ് നിർമ്മാണം.
ഐഎഫ്എഫ്‌കെ പ്രേക്ഷകർക്ക് വേണ്ടി ഒരുക്കിയ ചുരുളിയിൽ നിന്ന് വ്യത്യസ്തമായ വേർഷനാണ് സോണി ലിവ്വിൽ റിലീസ് ചെയ്യുന്നത്. ജല്ലിക്കട്ടിനു ശേഷം ലിജോ ജോസ് പെല്ലിശ്ശേരി സംവിധാനം ചെയ്യുന്ന ചിത്രമാണിത്. വിനോയ് തോമസിൻറെ തിരക്കഥയെ ആസ്പദമാക്കി തിരക്കഥ ഒരുക്കിയിരിക്കുന്നത് എസ് ഹരീഷ് ആണ്. ചെമ്പൻ വിനോദ് ജോസ്, വിനയ് ഫോർട്ട്, ജോജു ജോർജ്, ജാഫർ ഇടുക്കി തുടങ്ങിയവരാണ് കഥാപാത്രങ്ങളെ അവതരിപ്പിക്കുന്നത്.
