ഫാ​ത്തി​മ​യു​ടെ മ​ര​ണം: കോ​ട​തി​യി​ൽ ഹാ​ജ​രാ​കാ​ൻ പി​താ​വ് ല​ത്തീ​ഫി​ന് സി​ബി​ഐ നോ​ട്ടീ​സ്

ചെ​ന്നൈ: ചെ​ന്നൈ ഐ​ഐ​ടി വി​ദ്യാ​ർ​ഥി​നി ഫാ​ത്തി​മ ല​ത്തീ​ഫ് (Fathima latheef) ദു​രൂ​ഹ സാ​ഹ​ച​ര്യ​ത്തി​ൽ മ​ര​ണ​പ്പെ​ട്ട കേ​സി​ൽ പി​താ​വ് അ​ബ്ദു​ൽ ല​ത്തീ​ഫി​ന് സി​ബി​ഐ നോ​ട്ടീ​സ്. ഈ ​മാ​സം 11ന് ​ചെ​ന്നൈ സി​ബി​ഐ കോ​ട​തി​യി​ൽ ഹാ​ജ​രാ​യി 164 പ്ര​കാ​രം ര​ഹ​സ്യ​മൊ​ഴി രേ​ഖ​പ്പെ​ടു​ത്താ​നാ​ണ് സി​ബി​ഐ നോ​ട്ടീ​സ് ന​ൽ​കി​യ​ത്.

കേ​സി​ൽ സി​ബി​ഐ അ​ന്വേ​ഷ​ണ​ത്തി​ൽ പു​രോ​ഗ​തി​യി​ല്ലെ​ന്ന് ആ​രോ​പി​ച്ച് ര​ക്ഷി​താ​ക്ക​ൾ രം​ഗ​ത്തു വന്നതിനു പിന്നാലെയാണ് നോട്ടീസ്. സി​ബി​ഐ അ​ന്വേ​ഷ​ണ​ത്തെ​ക്കു​റി​ച്ച് യാ​തൊ​രു വി​വ​ര​വും ല​ഭി​ക്കു​ന്നി​ല്ലെ​ന്നാ​ണ് ഫാ​ത്തി​മ ല​ത്തീ​ഫി​ന്‍റെ പി​താ​വ് പ​റ​യു​ന്ന​ത്.

എ​ട്ടു മാ​സം മു​ൻ​പ് സി​ബി​ഐ അ​ന്വേ​ഷ​ണ സം​ഘം കൊ​ല്ല​ത്തെ വീ​ട്ടി​ൽ വ​ന്നു​പോ​യ​ത​ല്ലാ​തെ പി​ന്നീ​ടൊ​ന്നും ഉ​ണ്ടാ​യി​ല്ല. മ​ക​ളു​ടെ പ്ര​ഫ​സ​റാ​യി​രു​ന്ന​യാ​ൾ മൂ​ന്നു മാ​സം മു​ൻ​പ് രാ​ജി​വ​ച്ചി​രു​ന്നു. ആ​രോ​പ​ണ​വി​ധേ​യ​നാ​യ അ​ധ്യാ​പ​ക​ൻ ഇ​പ്പോ​ഴും ക്യാം​പ​സി​ൽ ഉ​ണ്ട്. ദു​രൂ​ഹ​ത​ക​ൾ ഏ​റെ​യു​ള്ള കേ​സി​ൽ ഇ​നി ആ​രെ​യാ​ണ് കാ​ണേ​ണ്ട​തെ​ന്നാ​ണ് ല​ത്തീ​ഫ് ചോ​ദി​ച്ചി​രു​ന്നു.

അ​തേ​സ​മ​യം, ഫാ​ത്തി​മ​യു​ടെ പി​താ​വ് ചൊ​വ്വാ​ഴ്ച മു​ഖ്യ​മ​ന്ത്രി പി​ണ​റാ​യി വി​ജ​യ​നെ ക​ണ്ട് വീ​ണ്ടും പ​രാ​തി ന​ൽ​കും. 13ന് ​മു​ൻ​പ് ത​മി​ഴ്നാ​ട് മു​ഖ്യ​മ​ന്ത്രി എം.​കെ.​സ്റ്റാ​ലി​നെ​യും കാ​ണാ​നാ​ണ് ല​ത്തീ​ഫി​ന്‍റെ തീ​രു​മാ​നം.

കൊ​ല്ലം ര​ണ്ടാം​കു​റ്റി സ്വ​ദേ​ശി​നി ഫാ​ത്തി​മ​യെ 2019 ന​വം​ബ​ർ ഒ​മ്പ​തി​നാ​ണ് ചെ​ന്നൈ ഐ​ഐ​ടി​യു​ടെ ഹോ​സ്റ്റ​ൽ മു​റി​യി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ട​ത്. സി​ബി​ഐ​യു​ടെ ചെ​ന്നൈ യൂ​ണി​റ്റാ​ണ് കേ​സ് അ​ന്വേ​ഷി​ക്കു​ന്ന​ത്.
 
ഫത്തിമ ആത്മഹത്യചെയ്യില്ല എന്ന നിലപാടില്‍ ഉറച്ച് നില്‍ക്കുകയാണ് ബന്ധുക്കള്‍. തമിഴ്നാട് ക്രൈംബ്രാഞ്ച് നടത്തിയ അന്വേഷണത്തില്‍ പ്രതീക്ഷ ഉണ്ടായിരുന്നു. കേസ് ഉന്നതതല സംഘത്തിനെ കൊണ്ട് അന്വേഷിപ്പിക്കണമെന്ന് ആവശ്യപ്പെട്ട് പ്രധാനമന്ത്രി  ഉള്‍പ്പടെയുള്ളവര്‍ക്ക് പരാതി നൽകിയിരുന്നു.