വളാഞ്ചേരിയില്‍ ഗ്യാസ് പൊട്ടിത്തെറിച്ച് ആറ് പേർക്ക് പൊള്ളലേറ്റു

മലപ്പുറം: വളാഞ്ചേരി കിഴക്കേക്കരയിൽ ഗ്യാസ് പൊട്ടിത്തെറിച്ച് ആറ് പേർക്ക് പൊള്ളലേറ്റു. ഇതിൽ രണ്ടുപേരുടെ നില ഗുരുതരമാണ്.  

ഇതര സംസ്ഥാന തൊഴിലാളികൾ ഒന്നിച്ച് താമസിക്കുന്ന ക്യാമ്പിലാണ് അപകടമുണ്ടായത്. പരിക്കേറ്റവരെ വളാഞ്ചേരി, പെരിന്തൽമണ്ണ എന്നിവിടങ്ങളിലെ ആശുപത്രികളിലേക്ക് മാറ്റി.

ജോലി കഴിഞ്ഞ് തിരിച്ചെത്തിയ തൊഴിലാളികൾ ഭക്ഷണം പാചകം ചെയ്യുന്നതിനിടെയാണ് അപകടമുണ്ടായതെന്നാണ് പ്രാഥമിക വിവരം. കൂടുതൽ വിവരം ലഭ്യമായിട്ടില്ല.