അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഹസ്‍ക് വര്‍ണയുടെ കെടിഎം 890 അഡ്വഞ്ചറിനെ അടിസ്ഥാനമാക്കിയുള്ള പുതിയ അഡ്വഞ്ചര്‍ മോട്ടോര്‍സൈക്കിളായ നോര്‍ഡന്‍ 901-നെ പുറത്തിറക്കി.ഈ പ്രൊഡക്ഷന്‍-സ്പെക്ക് മോട്ടോര്‍സൈക്കിള്‍ ഇഐസിഎംഎ 2019-ല്‍ പ്രദര്‍ശിപ്പിച്ച ആശയത്തോനോട് സാമ്യമുള്ളതായി കാണപ്പെടുന്നതായി ഓട്ടോ കാര്‍ ഇന്ത്യ റിപ്പോര്‍ട്ട് ചെയ്യുന്നു.നോര്‍ഡന്‍ 901-ന് ഒരു പ്രത്യേക ഹസ്‍ക വര്‍ണ ഐഡന്റിറ്റി നല്‍കുന്നുണ്ട്.
വൃത്താകൃതിയിലുള്ള എല്‍ഇഡി ഹെഡ്‌ലാമ്ബിന് മുകളില്‍ വൃത്തിയായി വിന്‍ഡ്‌ഷീല്‍ഡ് സ്ഥാപിച്ചിരിക്കുന്നു. ഓപ്ഷണല്‍ അധികമായി ഉയര്‍ന്ന വിന്‍ഡ്‍ സ്‍ക്രീന്‍ ലഭ്യമാണ്. ഹെഡ്‌ലൈറ്റിന് താഴെ സ്ഥാപിച്ചിരിക്കുന്ന എല്‍ഇഡി പൊസിഷന്‍ ലൈറ്റുകള്‍ നന്നായി സംയോജിപ്പിക്കുകയും ചെയ്തിട്ടുണ്ട്.
ബോഡി വര്‍ക്കില്‍ പരന്ന പ്രതലങ്ങളും നിറങ്ങളുടെ നല്ല ഇന്റര്‍പ്ലേയും അടങ്ങിയിരിക്കുന്നു. മോട്ടോര്‍ സൈക്കിളില്‍ ലഗേജ് ഘടിപ്പിക്കേണ്ടതിന്റെ ആവശ്യകതയ്ക്ക് അനുസൃതമായി ടെയില്‍ സെക്ഷന്‍ കുറവാണ്. കെടിഎം 890 അഡ്വഞ്ചറില്‍ കാണുന്നത് പോലെ, താഴ്ന്ന സ്ലംഗ്, 19-ലിറ്റര്‍ ഇന്ധന ടാങ്കും വാഹനത്തിലുണ്ട്. ഇത് ക്ലെയിം ചെയ്‍ത 400+ കിലോമീറ്റര്‍ പരിധി വാഗ്ദാനം ചെയ്യുന്നു. സീറ്റ് ഉയരം വളരെ ഉയരമുള്ളതാണ്, 854 എംഎം ആണ് ഉയരം.
നോര്‍ഡന്‍ 901 ഫ്രെയിം 890 അഡ്വഞ്ചറുമായി പങ്കിടുന്നു. ക്രമീകരിക്കാവുന്ന 43 എംഎം ഡബ്ല്യുപി അപെക്സ് യുഎസ്ഡി ഫോര്‍ക്ക് മുന്‍വശത്ത് 220 എംഎം ട്രാവലും പിന്നില്‍ 215 എംഎം ട്രാവല്‍ ഉള്ള മോണോഷോക്കും ആണ് സസ്‍പെന്‍ഷന്‍. 21 ഇഞ്ച് ഫ്രണ്ട് വീലിലും 18 ഇഞ്ച് പിന്‍ ചക്രത്തിലുമാണ് ബൈക്ക് ഓടുന്നത്. പിറെല്ലി സ്കോര്‍പിയോണ്‍ എസ്‍ടിആര്‍ ടയറുകളാണ് ബൈക്കില്‍. മുന്‍വശത്ത് 320 എംഎം ഫ്ലോട്ടിംഗ് ഡിസ്കുകളും പിന്നില്‍ 260 എംഎം ഡിസ്കും ബ്രേക്കിംഗ് ചുമതലകള്‍ നിര്‍വഹിക്കുന്നു.
8,000 ആര്‍പിഎമ്മില്‍ 105 എച്ച്‌പി പവറും 6,500 ആര്‍പിഎമ്മില്‍ 100 എന്‍എം ടോര്‍ക്കും നല്‍കുന്ന 889 സിസി, ഡിഒഎച്ച്‌സി, പാരലല്‍ ട്വിന്‍ എഞ്ചിനാണ് നോര്‍ഡന്‍ 901 ന് കരുത്തേകുന്നത്. കെടിഎം 890 അഡ്വഞ്ചറില്‍ അതേ യൂണിറ്റാണിത്. ഈ എഞ്ചിന്‍ 6-സ്പീഡ് ഗിയര്‍ബോക്‌സുമായി ജോടിയാക്കിയിരിക്കുന്നു. ഒരു അപ്പ്/ഡൗണ്‍ ക്വിക്ക് ഷിഫ്റ്ററും ബൈക്കില്‍ ഉണ്ട്.
ഇലക്‌ട്രോണിക്സിന്റെ കാര്യത്തില്‍, ക്രൂയിസ് നിയന്ത്രണവും മൂന്ന് റൈഡ് മോഡുകളും ഉണ്ട് – സ്ട്രീറ്റ്, റെയിന്‍, ഓഫ് റോഡ്. ഒരു ഓപ്ഷണല്‍ എക്സ്പ്ലോറര്‍ മോഡ് റൈഡര്‍ക്ക് മുന്‍ഗണന അനുസരിച്ച്‌ മറ്റ് മോഡുകള്‍ ക്രമീകരിക്കാനുള്ള കഴിവ് നല്‍കുന്നു. കോര്‍ണറിംഗ് എബിഎസും ട്രാക്ഷന്‍ കണ്‍ട്രോളും സ്റ്റാന്‍ഡേര്‍ഡായി വാഗ്ദാനം ചെയ്യുന്നു. ബ്ലൂടൂത്ത് കണക്റ്റിവിറ്റി വാഗ്ദാനം ചെയ്യുന്ന 5.0 ഇഞ്ച് ടിഎഫ്ടി ഡിസ്പ്ലേ വഴി എല്ലാ ക്രമീകരണങ്ങളും ചെയ്യാവുന്നതാണ്.
