ആധാർ നിയമങ്ങൾ ലംഘിച്ചാൽ ഒരു കോടി പിഴ

ന്യൂഡൽഹി: ആധാർ നിയമലംഘനങ്ങൾക്ക്​ ഒരു കോടി രൂപ പിഴ ചുമത്താൻ യു.ഐ.ഡി.എ.ഐ അധികാരം നൽകുന്ന നിയമം കേന്ദ്രസർക്കാർ വിജ്ഞാപനം ചെയ്​തു.ചട്ടം നിലവിൽ വന്നതോടെ നിയമലംഘനങ്ങൾ നിരീക്ഷിക്കാൻ ഉദ്യോഗസ്ഥരെ നിയമിക്കാനും അതോറിറ്റിക്ക്​ സാധിക്കുന്നതാണ്.

ലംഘനങ്ങളിൽ നടപടിയെടുക്കാനും പരാതി പരിഹാരത്തിനുമായി നിയമിക്കുന്ന ഉദ്യോഗസ്ഥന്​ പത്ത്​ വർഷത്തെ സർവീസ്​ വേണമെന്ന് നിർദേശമുണ്ട്​.ആധാർ അതോറിറ്റിയുടെ തീർപ്പുകൾക്കെതിരെ ഡിസ്​പ്യൂട്​സ്​ സെറ്റിൽമെൻറ്​ ആൻഡ്​ അപ്ലേറ്റ്​ ട്രൈബ്യൂണിൽ അപ്പീൽ നൽകാം. 

നിയമം, മാനേജ്​മെൻറ്​, ഐ.ടി, വാണിജ്യം എന്നീ വിഷയങ്ങളിലൊന്നിലെങ്കിലും മൂന്ന്​ വർഷത്തെ വിദഗ്​ധ പരിചയമുണ്ടാകമെന്നും നിർദേശിച്ചിട്ടുണ്ട്​.2019ലെ ആധാർ നിയമത്തിന്​ അനുസൃതമായാണ്​ ചട്ടങ്ങൾ ഐ.ടി മന്ത്രാലയം വിജ്ഞാപനം ചെയ്​തത്​. നിയമലംഘകർക്ക്​ നടപടിക്ക്​ മുമ്പ് ​ കാരണം കാണിക്കൽ നോട്ടീസ്​ നൽകുകയും ആരോപണവിധേയരോട്​ വിശദീകരണം തേടുകയും വേണമെന്ന്​ പുതിയ നിയമത്തിലുണ്ട്​.

============================================================================ വാര്‍ത്തകള്‍ യഥാസമയം അറിയാന്‍… Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9 Subscribe Anweshanam Youtube: https://youtube.com/c/Anweshanamlive Follow Anweshanam Google News: https://rb.gy/0tbxgdagain/cid4795157.htm Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe