അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദുബായ്: ട്വന്റി 20 ലോകകപ്പില്‍ ഇന്ന് നടന്ന രണ്ടാം മത്സരത്തില്‍ ഓസ്‌ട്രേലിയയെ തകര്‍ത്ത് ഇംഗ്ലണ്ട്. ഓസ്‌ട്രേലിയ ഉയര്‍ത്തിയ 125 റണ്‍സ് വിജയലക്ഷ്യവുമായി ബാറ്റിങ്ങിനു ഇറങ്ങിയ ഇംഗ്ലണ്ട് വെറും 11.4 ഓവറില്‍ രണ്ടു വിക്കറ്റ് മാത്രം നഷ്ടപ്പെടുത്തി മറികടന്നു.
തകര്‍ത്തടിച്ച ജോസ് ബട്ട്‌ലറാണ് ഇംഗ്ലണ്ടിന്റെ ജയം എളുപ്പമാക്കിയത്. 32 പന്തുകള്‍ നേരിട്ട ബട്ട്‌ലര്‍ അഞ്ചു വീതം സിക്‌സും ഫോറുമടക്കം 71 റണ്‍സോടെ പുറത്താകാതെ നിന്നു. ഇംഗ്ലണ്ടിന്റെ തുടര്‍ച്ചയായ മൂന്നാം ജയമാണിത്. ഈ ജയത്തോടെ ഇംഗ്ലണ്ട് സെമി ഉറപ്പിച്ചു.
ജേസണ്‍ റോയ് (22), ഡേവിഡ് മലാന്‍ (8) എന്നിവരുടെ വിക്കറ്റുകള്‍ മാത്രമാണ് ഇംഗ്ലണ്ടിന് നഷ്ടമായത്. ജോണി ബെയര്‍സ്‌റ്റോ 11 പന്തില്‍ നിന്ന് 16 റണ്‍സുമായി പുറത്താകാതെ നിന്നു.
നേരത്തെ ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ ഓസീസ് 20 ഓവറില്‍ 125 റണ്‍സിന് ഓള്‍ഔട്ടായി. മികച്ച രീതിയില്‍ പന്തെറിഞ്ഞ ഇംഗ്ലീഷ് പടയ്ക്ക് മുന്നില്‍ ഓസീസിന് പിടിച്ചുനില്‍ക്കാനായില്ല.
49 പന്തില്‍ നിന്ന് നാലു ഫോറടക്കം 44 റണ്‍സെടുത്ത ഫിഞ്ചാണ് ഓസീസിന്‍റെ ടോപ് സ്‌കോറര്‍. അഗര്‍ 20 പന്തില്‍ നിന്ന് രണ്ടു സിക്സടക്കം 20 റണ്‍സെടുത്തു. ഡേവിഡ് വാര്‍ണര്‍ (1), സ്റ്റീവ് സ്മിത്ത് (1), ഗ്ലെന്‍ മാക്സ്വെല്‍ (6), മാര്‍ക്കസ് സ്റ്റോയ്നിസ് (0), മാത്യു വെയ്ഡ് (18) എന്നിവര്‍ക്കൊന്നും തന്നെ ഇംഗ്ലീഷ് ബൗളിങ്ങിനു മുന്നില്‍ പിടിച്ചുനില്‍ക്കാനായില്ല.
ക്രിസ് ജോര്‍ദാന്‍ നാല് ഓവറില്‍ 17 റണ്‍സ് മാത്രം വഴങ്ങി മൂന്ന് വിക്കറ്റ് വീഴ്ത്തി. ക്രിസ് വോക്സും മില്‍സും രണ്ടു വിക്കറ്റ് വീതമെടുത്തു.
============================================================================
വാര്‍ത്തകള്‍ യഥാസമയം അറിയാന്‍…
Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9
Subscribe Anweshanam Youtube: https://youtube.com/c/Anweshanamlive
Follow Anweshanam Google News: https://rb.gy/0tbxgdagain/cid4795157.htm
Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe
