അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ന്യൂഡൽഹി: പെഗസസ് ഫോൺ ചോർത്തൽ വിവാദത്തിൽ അന്വേഷണത്തിന് ഉത്തരവിട്ട് സുപ്രീംകോടതി. വ്യക്തികളുടെ സ്വകാര്യത കാത്തുസൂക്ഷിക്കണമെന്ന് പറഞ്ഞ കോടതി അന്വേഷണത്തിന് വിദഗ്ധസമിതി രൂപീകരിച്ചു. ചീഫ് ജസ്റ്റിസ് അധ്യക്ഷനായ ബെഞ്ചിന്റേതാണ് ഉത്തരവ്. വിരമിച്ച സുപ്രീംകോടതി ജഡ്ജിയായ ജസ്റ്റിസ് ആർ വി രവീന്ദ്രനാകും(R V Raveendran) അന്വേഷണ സംഘത്തിൻ്റെ അധ്യക്ഷൻ. സൈബര് സെക്യൂരിറ്റി ആന്ഡ് ഡിജിറ്റല് ഫോറന്സികിലെ പ്രൊ.ഡോ നവീന്കുമാര് ചൗധരി, ഗുജറാത്തിലെ ഗാന്ധി നഗര് നാഷണല് ഫോറന്സിക് സയന്സസ് യൂണിവേഴ്സിറ്റിയിലെ ഡീന് എന്നിവരടങ്ങിയതാണ് സമിതി.
രാഷ്ട്രീയ വിവാദങ്ങളില് ഇടപെടാന് ആഗ്രഹിക്കുന്നില്ലെന്ന് വ്യക്തമാക്കിയ സുപ്രീംകോടതി ഭരണഘടനാതത്ത്വങ്ങള് നിലനിര്ത്താനാണ് ശ്രമിക്കുന്നതെന്നും പറഞ്ഞു. സ്വകാര്യത ഹനിക്കുന്ന സാങ്കേതികവിദ്യ ഉപയോഗിക്കണമോ എന്ന് സര്ക്കാര് ആലോചിക്കണമെന്നും കോടതി കൂട്ടിച്ചേർത്തു. ദേശസുരക്ഷയുടെ പേര് പറഞ്ഞ് എക്കാലവും സർക്കാരിന് ഇതിൽ നിന്ന് ഒഴിഞ്ഞ് മാറാൻ കഴിയില്ലെന്നും വിവാദങ്ങളുടെ അടിവേര് പരിശോധിക്കാൻ കോടതി നിർബന്ധിതമാകുകയാണെന്നും കോടതി പറഞ്ഞു.
സ്വകാര്യത സംരക്ഷിക്കേണ്ടതിൻ്റെ ആവശ്യകത ചൂണ്ടിക്കാട്ടിയായിരുന്നു സുപ്രിംകോടതി കേന്ദ്രസര്ക്കാരിനെതിരെ വിമര്ശനമുന്നയിച്ചത്. ഭരണഘടനാ ആവശ്യങ്ങള്ക്കനുസൃതമായിരിക്കണം സ്വകാര്യതയിലുള്ള ഇടപെടലുകള്. നിയമങ്ങള് വഴിയല്ലാതെ ഏതെങ്കിലും തരത്തിലുള്ള കൈകടത്തലുകള് അനുവദിക്കാന് കഴിയില്ലെന്നും സുപ്രിംകോടതി ചൂണ്ടിക്കാട്ടി. മുതിര്ന്ന മാധ്യമപ്രവര്ത്തകരായ എന് റാം(N Ram), ശശികുമാര്(Sashi Kumar), ജോണ് ബ്രിട്ടാസ്(John Brittas) എംപി തുടങ്ങിയവരാണ് അന്വേഷണമാവശ്യപ്പെട്ട് സുപ്രിംകോടതിയെ സമീപിച്ചത്.
കോടതി പലതവണ ആവശ്യപ്പെട്ടിട്ടും രാജ്യസുരക്ഷ ചൂണ്ടിക്കാട്ടി മറുപടി നല്കാന് കേന്ദ്രസര്ക്കാര് തയ്യാറായിരുന്നില്ല. സമിതി അടിയന്തരമായി പ്രവര്ത്തനം ആരംഭിക്കണം. എട്ടാഴ്ചയ്ക്ക് ശേഷം ഹര്ജികള് വീണ്ടും പരിഗണിക്കും.നിലപാടറിയിക്കാന് കേന്ദ്രസര്ക്കാരിന് ആവശ്യത്തിലധികം സമയം അനുവദിച്ചിരുന്നതാണെന്ന് കോടതി വ്യക്തമാക്കി. അന്വേഷണത്തിന് സ്വന്തം നിലയില് സാങ്കേതിക വിദഗ്ധ സമിതി രൂപീകരിക്കുമെന്ന് ചീഫ് ജസ്റ്റിസ് നേരത്തെ തന്നെ സൂചന നല്കിയിരുന്നു. ചാരസോഫ്റ്റ് വെയര് ഉപയോഗിച്ചോ എന്നതില് കേന്ദ്രസര്ക്കാര് സുപ്രിംകോടതിക്ക് മറുപടി നല്കിയിരുന്നില്ല. പൊതുതാത്പര്യവും രാജ്യസുരക്ഷയും മുന്നിര്ത്തി അധിക സത്യവാങ്മൂലം സമര്പ്പിക്കാന് കഴിയില്ല എന്ന നിലപാടാണ് കേന്ദ്രസര്ക്കാര് സ്വീകരിച്ചത്.
============================================================================
വാര്ത്തകള് യഥാസമയം അറിയാന്…
Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9 Subscribe Anweshanam Youtube: https://youtube.com/c/Anweshanamlive Follow Anweshanam Google News: https://rb.gy/0tbxgdagain/cid4795157.htm Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe
