അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഷാര്‍ജ: ട്വന്റി 20 ലോകകപ്പ് സൂപ്പര്‍ 12-ലെ ആവേശകരമായ പോരാട്ടത്തില്‍ ന്യൂസീലന്‍ഡിനെ അഞ്ചുവിക്കറ്റിന് തകര്‍ത്ത് പാകിസ്താന്. ന്യൂസീലൻഡ് മുന്നോട്ടുവച്ച 135 റൺസ് വിജയലക്ഷ്യം 18.4 ഓവറിൽ അഞ്ച് വിക്കറ്റ് നഷ്ടപ്പെടുത്തി പാകിസ്താൻ മറികടന്നു. 33 റൺസെടുത്ത മുഹമ്മദ് റിസ്‌വാൻ പാകിസ്താൻ്റെ ടോപ്പ് സ്കോററായി. (pakistan won newzealand t20)
സൂപ്പര്‍ 12-ലെ പാകിസ്താന്റെ തുടര്‍ച്ചയായ രണ്ടാം വിജയമാണിത്. ഒരു ഘട്ടത്തില്‍ ന്യൂസീലന്‍ഡ് വിജയം നേടുമെന്ന് തോന്നിച്ചെങ്കിലും അവസാന ഓവറുകളില്‍ അടിച്ചുതകര്‍ത്ത ആസിഫ് അലിയും ഷൊഹൈബ് മാലിക്കുമാണ് പാകിസ്താന് വിജയം സമ്മാനിച്ചത്. ഇരുടീമിലെയും ബൗളര്‍മാര്‍ മികച്ച പ്രകടനം പുറത്തെടുത്തു. ഈ വിജയത്തോടെ ഗ്രൂപ്പ് രണ്ടില്‍ പാകിസ്താന് ഒന്നാമതെത്തി.
തുടക്കം മുതൽ പാക് ബാറ്റർമാരെ വരിഞ്ഞുമുറുക്കുന്ന പ്രകടനമാണ് കിവീസ് നടത്തിയത്. പവർപ്ലേയിൽ വെറും 30 റൺസെടുക്കാനേ അവർക്ക് സാധിച്ചുള്ളൂ. ബാബർ അസമിനെ (9) അവർക്ക് നഷ്ടമാവുകയും ചെയ്തു. ആറാം ഓവറിൽ ടിം സൗത്തി ബാബറിൻ്റെ കുറ്റി തെറിപ്പിക്കുകയായിരുന്നു.
ഫഖർ സമാൻ (11) ഇഷ് സോധിയുടെ പന്തിൽ വിക്കറ്റിനു മുന്നിൽ കുടുങ്ങിയപ്പോൾ മുഹമ്മദ് ഹഫീസിനെ (11) മിച്ചൽ സാൻ്റ്നർ ഡെവോൺ കോൺവേയുടെ കൈകളിലെത്തിച്ചു. മുഹമ്മദ് റിസ്‌വാനെ (33) ഇഷ് സോധിയും ഇമാദ് വാസിമിനെ (11) ട്രെൻ്റ് ബോൾട്ടും വിക്കറ്റിനു മുന്നിൽ കുരുക്കി.
ന്യൂസീലൻഡിനായി ഇഷ് സോധി രണ്ട് വിക്കറ്റ് വീഴ്ത്തി.
ടോസ് നഷ്ടമായി ബാറ്റിംഗിനിറങ്ങിയ ന്യൂസീലൻഡ് നിശ്ചിത 20 ഓവറിൽ 8 വിക്കറ്റ് നഷ്ടപ്പെടുത്തി 134 റൺസെടുത്തു. 27 റൺസ് വീതം നേടിയ ഡാരിൽ മിച്ചലും ഡെവോൺ കോൺവേയുമാണ് കിവീസിൻ്റെ ടോപ്പ് സ്കോറർമാർ.
പാകിസ്താന് വേണ്ടി ഹാരിസ് റഹൂഫ് നാലോവറില്‍ വെറും 22 റണ്‍സ് മാത്രം വിട്ടുനല്‍കി നാല് വിക്കറ്റ് വീഴ്ത്തി. ഷഹീന്‍ അഫ്രീദി, ഇമാദ് വസീം, മുഹമ്മദ് ഹഫീസ് എന്നിവര്‍ ഓരോ വിക്കറ്റ് വീതം വീഴ്ത്തി.
============================================================================
വാര്‍ത്തകള്‍ യഥാസമയം അറിയാന്‍…
Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9
Subscribe Anweshanam Youtube: https://youtube.com/c/Anweshanamlive
Follow Anweshanam Google News: https://rb.gy/0tbxgdagain/cid4795157.htm
Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe
