അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
അബുദാബി: ട്വന്‍റി-20 ലോകകപ്പ് (ICC T20 World Cup ) ആദ്യ മത്സരത്തിൽ ദക്ഷിണാഫ്രിക്കയെ(South Africa) തകര്‍ത്ത് ഓസ്ട്രേലിയക്ക് (Australia ) അഞ്ച് വിക്കറ്റ് ജയം. ദക്ഷിണാഫ്രിക്ക ഉയർത്തിയ 118 റൺസ് വിജയലക്ഷ്യം 19.4 ഓവറില്‍ ഓസീസ് മറികടന്നു. ചെറിയ സ്‌കോര്‍ പ്രതിരോധിക്കാനിറങ്ങിയ ദക്ഷിണാഫ്രിക്കന്‍ ബൗളര്‍മാര്‍ ഓസീസ് ബാറ്റ്‌സ്മാന്‍മാരെ തുടക്കത്തില്‍ വിറപ്പിക്കുകയും ചെയ്തു.
മുൻ ക്യാപ്റ്റൻ സ്റ്റീവൻ സ്മിത്തിന്‍റെയും (35) ആറാം വിക്കറ്റിൽ സ്റ്റോണിസ് (24) മാത്യു വേഡ് (15) (പുറത്താകാതെ) സഖ്യത്തിന്‍റെ പ്രകടനവുമാണ് കംഗാരുക്കളെ രക്ഷിച്ചത്.35 റണ്‍സെടുത്ത സ്റ്റീവ് സ്മിത്താണ് ഓസീസിന്റെ ടോപ് സ്‌കോറര്‍.
ആരോൺ ഫിഞ്ചിനെ റൺ എടുക്കുംമുൻപെ പുറത്താക്കി ദക്ഷിണാഫ്രിക്ക തുടക്കത്തിലെ പിടിമുറുക്കി. സ്മിത്ത്-മാക്സ്‌വെൽ (18) സഖ്യമാണ് കളിതിരിച്ചത്. പിന്നീട് ആറാം വിക്കറ്റില്‍ ഒന്നിച്ച മാര്‍ക്കസ് സ്റ്റോയ്‌നിസ് – മാത്യു വെയ്ഡ് സഖ്യം കൂടുതല്‍ നഷ്ടങ്ങളില്ലാതെ ഓസീസിനെ വിജയത്തിലെത്തിച്ചു. സ്റ്റോയ്‌നിസ് 16 പന്തില്‍ നിന്ന് 24 റണ്‍സുമായി പുറത്താകാതെ നിന്നു. വെയ്ഡ് 10 പന്തില്‍ നിന്ന് 15 റണ്‍സെടുത്തു.
നേരത്തെ ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ ദക്ഷിണാഫ്രിക്കയ്ക്ക് 20 ഓവറില്‍ ഒമ്പത് വിക്കറ്റ് നഷ്ടത്തില്‍ 118 റണ്‍സെടുക്കാനേ സാധിച്ചുള്ളൂ.
40 റൺസെടുത്ത എയ്ഡൻ മാർക്രം മാത്രമാണ് ദക്ഷിണാഫ്രിക്കൻ നിരയിൽ തിളങ്ങിയത്. മിച്ചൽ സ്റ്റാർക്കും ഹെയ്സൽവുഡും ആദം സാമ്പയും രണ്ട് വിക്കറ്റ് വീതം വീഴ്ത്തിയപ്പോൾ മാക്സ്‌വെലും കമ്മിൻസും ഓരോ വിക്കറ്റ് സ്വന്തമാക്കി.
=============================
വാര്‍ത്തകള്‍ യഥാസമയം അറിയാന്‍…
Join Anweshanam WhatsApp Group
https://chat.whatsapp.com/JHLCbFc9MhbCtdPC6grlJ9
Subscribe Anweshanam Youtube
https://youtube.com/c/Anweshanamlive
Follow Anweshanam Google News
https://rb.gy/0tbxgdagain/cid4795157.htm
Follow Anweshanam Dailyhunt
https://m.dailyhunt.in/news/india/malayalam/anweshanam-epaper-anwe
